કિંગ્સ ઇલેવન પંજાબ બદલશે નામ અને લોગો

Published: 12th February, 2021 12:23 IST

૧૭ ફેબ્રુઆરીએ જાહેર કરી શકે છે નવું રૂપ

અભિનેત્રી પ્રીતિ ઝિન્ટા
અભિનેત્રી પ્રીતિ ઝિન્ટા

ઇન્ડિયન પ્રીમિયર લીગ (આઇપીએલ)ના ૧૩ વર્ષના ઇતિહાસમાં દિલ્હી, બૅન્ગલોર જેવી કેટલીક ટીમ પોતાના નામ અને લોગોમાં ફેરફાર કરી ચૂકી છે અને હવે બૉલીવુડ-અભિનેત્રી પ્રીતિ ઝિન્ટાની માલિકની ટીમ કિંગ્સ ઇલેવન પંજાબ આ વર્ષે પોતાના નામ અને લોગોમાં ફેરફાર કરવા જઈ રહી છે. અહેવાલ પ્રમાણે ૧૮ ફેબ્રુઆરીએ થનારા મિની ઑક્શનના એક દિવસ પહેલાં ૧૭ ફેબ્રુઆરીએ પંજાબ ટીમ નવું નામ અને લોગો જાહેર કરી શકે છે.

ગઈ સીઝનમા પંજાબની ટીમ લોકેશ રાહુલના નેતૃત્વમાં રમી હતી. ગયા વર્ષે આઇપીએલમાં પંજાબની શરૂઆત ઘણી ખરાબ હતી, પણ ક્રિસ ગેઇલ ટીમમાં આવ્યો ત્યાર બાદ ટીમ સતત પાંચ મૅચ જીતવામાં સફળ રહી હતી, પણ પ્લે-ઑફમાં પ્રવેશ નહોતી મેળવી શકી. મિની ઑક્શન પહેલાં પંજાબે ગ્લેન મૅક્સવેલ અને શેલ્ડન કોટ્રેલ જેવા અનેક પ્લેયરોને રિલીઝ પણ કરી દીધા છે.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK