આઇપીએલનાં ગ્લવ્ઝ પહેરીને પીઅએસએલમાં રમ્યો રુધરફોર્ડ

Published: 18th November, 2020 13:37 IST | IANS | New Delhi

મુંબઈ ઇન્ડિયન્સ ટીમની કિટ પહેરીને રમતા વેસ્ટ ઇન્ડિયન્સ ખેલાડી અને તેની ટીમ કરાચી કિંગ્સની સોશ્યમ મીડિયામાં થઈ ભારે ટીકા

ટીમ કરાચી કિંગ્સની સોશ્યમ મીડિયામાં થઈ ભારે ટીકા
ટીમ કરાચી કિંગ્સની સોશ્યમ મીડિયામાં થઈ ભારે ટીકા

અમારી લીગ ભારતની આઇપીએલ કરતાં મોટી છે એવા દાવા કરતા પાકિસ્તાન સુપર લીગ (પીઅએસઅએલ)ની સોશ્યલ મીડિયામાં આજકાલ ભારે ટીકા થઈ રહી છે. આ ટીકાનું કારણ છે વેસ્ટ ઇન્ડિયન ઑલરાઉન્ડર શેફર્ન રુધરફોર્ડ. રુધરફોર્ડ આઇપીઅેલમાં ચૅમ્પિયન મુંબઈ ઇન્ડિયન્સ ટીમમાં હતો, જોકે તેને આ સીઝનમાં એક પણ મૅચ રમવાનો મોકો નહોતો મળ્યો. આઇપીઅેલની સમાપ્તિ બાદ રુધરફોર્ડ પાકિસ્તાન સુપર લીગ રમવા દુબઈથી સીધો કરાચી ગયો હતો. કોરોનાને કારણે પાકિસ્તાન સુપર લીગના પ્લે-ઑફ મુકાબલા પોસ્ટપોન કરવામાં આવ્યા હતા અને શનિવારથી અે ફરી શરૂ કરવામાં આવ્યો હતો. ક્વૉલિફાયર-વનમાં કરાચી કિંગ્સ વતી રમતો રુધરફોર્ડ બૅટિંગ કરવા મેદાનમાં ઊતર્યો ત્યારે તેનાં ગ્લવ્ઝે બધાનું ધ્યાન ખેંચ્યું હતું. રુધરફોર્ડ મુંબઈ ઇન્ડિયન્સ ટીમનાં જ ગ્લવ્ઝ પહેરીને રમી રહ્યો હતો. સોશ્યલ મીડિયા પર આ દૃશ્ય તરત વાઇરલ થયું હતું. રુધરફોર્ડ અને કરાચી ટીમની ભારે ટીકા થવા લાગી હતી અને અમુકે કરાચીની ટીમને સલાહ પણ આપી હતી કે ફાઇનલમાં પ્લીઝ રુધરફોર્ડને નવાં ગ્લવ્ઝ આપજો.
આ પહેલાં પણ રુધરફોર્ડ જ્યારે દુબઈથી કરાચી પહોંચ્યો ત્યારે પણ તેણે સૌનું ધ્યાન ખેંચ્યું હતું. તે મુંબઈ ઇન્ડિયન્સ ટીમની જર્સી પહેરીને કરાચી પહોંચી ગયો હતો.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK