કામરાન અકમલનો અનોખો રેકૉર્ડ, ટી૨૦માં૧૦૦ સ્ટમ્પિંગ કરનાર પ્રથમ વિકેટકીપર

Published: 15th October, 2020 14:38 IST | IANS | Karachi

જોકે ટી૨૦ ઇન્ટરનૅશનલમાં ધોની ૯૮ મૅચમાં ૩૪ સ્ટમ્પિંગ સાથે પ્રથમ છે અને કામરાન ૫૮ મૅચમાં ૩૨ સ્ટમ્પિંગ સાથે બીજા નંબરે છે.

અકમલ
અકમલ

પાકિસ્તાના શોએબ મલિકના ચારેક દિવસ પહેલાં ટી૨૦માં ૧૦,૦૦૦ રન પૂરા કરીને પ્રથમ એશિયન ખેલાડી બન્યાના પરાક્રમ બાદ હવે વિકેટકીપર-બૅટ્સમૅન કામરાન અકમલે એક નવો ઇતિહાસ રચ્યો છે. કામરાન અકમલ ટી૨૦ ક્રિકેટમાં ૧૦૦ સ્ટમ્પિંગ કરનાર પ્રથમ વિકેટકીપર બની ગયો છે. પાકિસ્તાનમાં હાલ ચાલી રહેલી ડોમેસ્ટિક ટી૨૦ ટુર્નામેન્ટ નૅશનલ કપમાં મંગળવારે શાન મસૂદને આઉટ કરીને તેણે આ લૅન્ડમાર્ક હાંસલ કર્યો હતો. કામરાને ટી૨૦માં અત્યાર સુધી ૨૬૪ મૅચમાં કુલ ૧૪૯ કૅચ પકડ્યા છે અને ૧૦૦ સ્ટમ્પિંગ કર્યાં છે. પાકિસ્તાન ક્રિકેટ બોર્ડે કામરાનના ૧૦૦ સ્ટમ્પિંગના અચીવમેન્ટને બિરદાવતું પોસ્ટર શૅર કરીને તેને અભિનંદન આપ્યાં હતાં.
આ મામલે મહેન્દ્ર સિંહ ધોની કુલ ૮૪ સ્ટમ્પિંગ સાથે બીજા નંબરે, જ્યારે ૫૯ સ્ટમ્પિંગ સાથે દિનેશ કાર્તિક ત્રીજા નંબરે છે. જોકે ટી૨૦ ઇન્ટરનૅશનલમાં ધોની ૯૮ મૅચમાં ૩૪ સ્ટમ્પિંગ સાથે પ્રથમ છે અને કામરાન ૫૮ મૅચમાં ૩૨ સ્ટમ્પિંગ સાથે બીજા નંબરે છે. બંગલા દેશનો મુશફિકુર રહીમ ૮૬ મૅચમાં ૨૯ સ્ટમ્પિંગ સાથે ત્રીજા નંબરે છે.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK