કૅલિસે ઝિમ્બાબ્વેને આઉટ કરી દીધું
હમ્બનટોટા: ઝિમ્બાબ્વે ગઈ કાલે T20 વર્લ્ડ કપમાં સતત બીજી મૅચ હારી જતાં ટુર્નામેન્ટની બહાર થઈ ગયું હતું. સાઉથ આફ્રિકાએ એની સામે ૪૪ બૉલ બાકી રાખીને ૧૦ વિકેટે વિજય મેળવ્યો હતો. એક મેઇડન સાથે ૧૫ રનમાં ૪ વિકેટ લેનાર જૅક કૅલિસને મૅન ઑફ ધ મૅચનો અવૉર્ડ મળ્યો હતો.
ADVERTISEMENT
ઝિમ્બાબ્વે ૨૦ ઓવરમાં ૮ વિકેટે ૯૩ રન બનાવી શક્યું હતું. મૉર્ની મૉર્કલ બે વિકેટ લેનાર સાઉથ આફ્રિકાનો બીજો સફળ બોલર હતો. ડેલ સ્ટેને ૪ ઓવરમાં માત્ર ૯ રનના ખર્ચે એક વિકેટ લીધી હતી. સાઉથ આફ્રિકાએ ૧૨.૪ ઓવરમાં ૯૪ રન બનાવી લીધા હતા. રિચર્ડ લીવી (૫૦ નૉટઆઉટ, ૪૩ બૉલ, ૬ ફોર) અને હાશિમ અમલા (૩૨ રન નૉટઆઉટ, ૩૩ બૉલ, ૩ ફોર) વચ્ચેની ભાગીદારી પંચાવન મિનિટમાં મૅચવિનિંગ પુરવાર થઈ હતી.
સાઉથ આફ્રિકાની જીત સાથે એના ઉપરાંત શ્રીલંકાને આપોઆપ સુપર એઇટ્સમાં પ્રવેશવા મળી ગયું હતું.
