જસપ્રીત બુમરાહે તોડ્યો અશ્વિન અને ચહલનો રેકૉર્ડ, ભારત માટે રચ્યો ટી20 નવો ઇતિહાસ

Published: Jan 11, 2020, 18:00 IST | Mumbai Desk

જસપ્રીત બુમરાહ ભારતીય ક્રિકેટનો ઇતિહાસ બદલી દીધો. શ્રીલંકા વિરુદ્ધ પહેલી જ ઓવરમાં પહેલી વિકેટ લઈને જસપ્રીત બુમરાહ ટી20 ઇન્ટરનેશનલ ક્રિકેટમાં ભારતીય ટીમ માટે સૌથી વધારે વિકેટ લેનારો બૉલર બની ગયો.

શ્રીલંકા વિરુદ્ધ પુણેના મહારાષ્ટ્ર ક્રિકેટ એસોસિએશન સ્ટેડિયમમાં ભારતીય ટીમના ફાસ્ટ બૉલર જસપ્રીત બુમરાહે એક વિકેટ લીધી. આ એક વિકેટના બળે જસપ્રીત બુમરાહ ભારતીય ક્રિકેટનો ઇતિહાસ બદલી દીધો. શ્રીલંકા વિરુદ્ધ પહેલી જ ઓવરમાં પહેલી વિકેટ લઈને જસપ્રીત બુમરાહ ટી20 ઇન્ટરનેશનલ ક્રિકેટમાં ભારતીય ટીમ માટે સૌથી વધારે વિકેટ લેનારો બૉલર બની ગયો.

રાઇટ હેન્ડર ફાસ્ટ બૉલર જસપ્રીત બુમરાહે જેવા જ શ્રીલંકન ટીમના સલામી બેટ્સમેન દનુશ્કા ગુનાથિલકાને વૉશિંગ્ટન સુંદરના હાથે કૅચ આઉટ કરાવ્યો, તે જ રીતે ભારત માટે ટી 20 ઇન્ટરનેશનલ ક્રિકેટમાં સૌથી વધારે વિકેટ લેનારા એકમાત્ર બૉલર બની ગયો. આ મામલે જસપ્રીત બુમરાહએ અનુઙવી ઑફ સ્પિનર આર અશ્વિન અને લેગ સ્પિનર યજુવેન્દ્ર ચહલને પણ પાછળ છોડી દીધો છે.

અત્યાર સુધી સમાનતા પર હતા આ ત્રણે દિગ્ગજો
જસપ્રીત બુમરાહ પહેલા આર અશ્વિન અને યુજવેન્દ્ર ચહલએ ભારતીય ટીમ વિરુદ્ધ 52-52 વિકેટ ટી20 ઇન્ટરનેશનલ ક્રિકેટમાં લીધી હતી, પણ હવે બુમરાહએ આ આંકડો પાર કરી લીધો છે. બુમરાહના નામે હવે ટી20 ઇન્ટરનેશનલ ક્રિકેટમાં વિકેટની સંખ્યા 53 થઈ ગઈ છે. આ રીતે બન્ને સ્પિનર ફાસ્ટ બૉલર બુમરાહની પાછળ રહી ગયા છે. નોંધનીય છે કે આ મેચ પહેલા ઇન્દોરમાં થયેલા ટી20 મેચમાં પણ બુમરાહએ એક વિકેટ લીધી હતી અને ચહલ અને અશ્વિનની બરાબરી કરી હતી.

જસપ્રીત બુમરાહે પોતાના 45 ટી20 ઇન્ટરનેશનલ મેચમાં આ કમાલ કર્યો છે, જ્યારે યુજવેન્દ્ર ચહલે 37 મેચમાં અને આર અશ્વિને 46 મેચમાં 52-52 વિકેટ લીધા હતા. ચોંકાવનારી વાત એ પણ છે કે જસપ્રીત બુમરા અત્યાર સુધી એક મેચમાં 3થી વધારે વિકેટ્સ લઈ શક્યો નથી.

આ પણ વાંચો : બિપાશા બાસુએ આ રીતે સાબિત કર્યું કે તે પણ છે એક ફેમિલી ગર્લ

T20I ક્રિકેટમાં ભારત માટે સૌથી વધારે વિકેટ

53 વિકેટ - જસપ્રીત બુમરાહ

52 વિકેટ - આર અશ્વિન અને યુજવેન્દ્ર ચહલ

41 વિકેટ - ભુવનેશ્વર કુમાર

39 વિકેટ - કુલદીપ યાદવ

38 વિકેટ - હાર્દિક પાંડ્યા

Loading...
 
 
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK