ફુટબોલર પાઓલો રોસીનું અવસાન
પાઓલો રોસી
૧૯૮૨માં ઇટલીને વર્લ્ડ કપ જિતાડનાર લેજન્ડ ફુટબોલર પાઓલો રોસીનું ૬૪ વર્ષની ઉંમરે ગઈ કાલે અવસાન થયું હતું. ૧૯૮૦માં બેટિંગ સ્કૅન્ડલને લીધે બૅન થયા બાદ શાનદાર કમબૅક કરતાં રોસીએ અફલાતૂન પર્ફોર્મન્સ વડે સ્પેનમાં રમાયેલા ૧૯૮૨ વર્લ્ડ કપમાં ઇટલીને ચૅમ્પિયન બનાવ્યું હતું. ફાઇનલમાં ઇટલીએ જર્મનીને ૩-૧થી હરાવ્યું હતું જેમાં પહેલો ગોલ રોસીએ કર્યો હતો. આ વર્લ્ડ કપમાં બ્રાઝિલ સામે હૅટ-ટ્રિક સહિત સૌથી વધુ ૬ ગોલ કરીને રોસીએ ગોલ્ડન બૂટ અને ગોલ્ડન બૉલ અવૉર્ડ્સ જીતી લીધા હતા. રોસીએ ૧૯૭૭થી ૧૯૮૬ દરમ્યાન ઇટલી વતી રમતાં ૪૮ મૅચમાં ૨૦ ગોલ કર્યા હતા.
