ઈરફાન પઠાણને પિતા મહેમૂદે ઈદની ખાસ ભેટ આપી, જુઓ તસવીર
પિતા મહેમૂદ સાથે ઈરફાન પઠાણ (તસવીર સૌજન્ય: ઈન્સ્ટાગ્રામ)
ઈદના દિવસે વડીલો અને સગાસંબંધીઓ તેમજ મિત્રો પાસેથી જે ભેટ મળે છે તેની ઈદી કહેવાય છે. ભારતીય ક્રિકેટર ઈરફાન પઠાણને તેના પિતા મહેમૂદ પઠાણ પાસેથી ઈદી મળી છે અને તે બહુ જ ખુશ છે. પિતા પાસેથી ઈદી મળી તેની તસવીર ક્રિકેટરે સોશ્યલ મિડિયા પર શેર કરી છે.
પિતા પાસેથી આર્શિવાદ મેળવતો તેમની સાથેનો ફોટો શેર કરતા ઈન્સ્ટાગ્રામ પર ઈરફાને લખ્યુ હતું કે, આ બાબત માટે હું હંમેશા ઈદની રાહ જોતો હોઉં છું. તેણે ભાઇ યુસુફને સંબોધીને લખ્યું હતું કે તું આવે એ પહેલા જ મેં બધું લઈને ખીસ્સામાં ભરી દીધું છે. આ સાથે જ ઈરફાને ભાઈ યુસુફ પઠાણને ટેગ કર્યો હતો.
ADVERTISEMENT
પિતા અને ભાઈ પ્રત્યેની લાગણીઓ ઈરફાન સોશ્યલ મિડિયા દ્વારા વારંવાર વ્યક્ત કરતો હોય છે. તેમજ પરિવારની તસવીરો પણ શેર કરતો હોય છે. દરમિયાન યુસુફ પઠાણે પણ ઈદની ઉજવણીની પિતા અને ભાઈ સાથેની તસવીરો સોશ્યલ મિડિયા પર શેર કરી હતી.
સ્પોર્ટસ સ્ટાર સાનિયા મિર્ઝા અને બહેન અનમે પણ ઈદની ઉજવણીની તસવીરો સોશ્યલ મિડિયા પર પોસ્ટ કરી હતી અને ફેન્સને ઈદની શુભેચ્છાઓ આપી હતી.