Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > સ્પોર્ટ્સ સમાચાર > ક્રિકેટ > આર્ટિકલ્સ > રોહિત શર્મા અને હાર્દિક પંડ્યાએ ક્રિષ્નપ્પા ગૌતમ પાસે માંગી પાર્ટી

રોહિત શર્મા અને હાર્દિક પંડ્યાએ ક્રિષ્નપ્પા ગૌતમ પાસે માંગી પાર્ટી

20 February, 2021 02:32 PM IST | Ahmedabad
Gujarati Mid-day Correspondent | feedbackgmd@mid-day.com

રોહિત શર્મા અને હાર્દિક પંડ્યાએ ક્રિષ્નપ્પા ગૌતમ પાસે માંગી પાર્ટી

રોહિત શર્મા અને હાર્દિક પંડ્યાએ ક્રિષ્નપ્પા ગૌતમ પાસે માંગી પાર્ટી


ટીમ ઇન્ડિયાનો નેટ-બોલર ક્રિષ્નપ્પા ગૌતમ આઇપીએલની આ વર્ષની હરાજીમાં આઇપીએલના ઇતિહાસનો સૌથી મોંઘો અનકૅપ્ડ પ્લેયર બન્યો હતો. કર્ણાટકના ઑલરાઉન્ડર પ્લેયરને ચેન્નઈ સુપર કિંગ્સે ૯.૨૫ કરોડ રૂપિયામાં ખરીદ્યો હતો. આ પહેલાં આ રેકૉર્ડ કૃણાલ પંડ્યાના નામે હતો જેને ૨૦૧૮માં મુંબઈ ઇન્ડિયન્સે ૮.૮૦ કરોડ રૂપિયામાં ખરીદ્યો હતો. ૨૦ લાખ રૂપિયાની બેઝ પ્રાઇસ રાખનાર ગૌતમ પર થયેલો પૈસાનો વરસાદ જોઈને તેનાં માતા-પિતા અને પત્નીની આંખમાંથી ખુશીનાં આંસુ છલકી પડ્યાં હતાં.

આ વિશે વાત કરતાં ગૌતમે કહ્યું કે ‘આ ઘણું ટેન્શનવાળું હતું. હું ઘણો બેચેન હતો અને ટીવી જોઈ રહ્યો હતો. અમે હજી અમદાવાદ પહોંચ્યા જ હતા અને મેં રૂમમાં પહોંચીને ટીવી ચાલુ કર્યું તો મારું જ નામ આવ્યું. દરેક મિનિટે મારી લાગણીઓ બદલાઈ રહી હતી. ત્યારે જ દરવાજા પર રોહિત શર્મા અને હાર્દિક પંડ્યા આવ્યા અને મને ગળે વળગીને મારી પાસે પાર્ટી માગી. મારાં માતા-પિતાની આંખમાં ખુશીનાં આંસુ હતાં. આ લાગણી શબ્દોમાં વર્ણવવી ઘણી અઘરી છે. મારા માટે આઇપીએલની આ હરાજી પહેલી વાર નથી છતાં જ્યારે પણ હરાજી માટે નામ આવે છે ત્યારે પેટમાં પતંગિયાં ઊડવા માંડે છે.’



આ વર્ષે ચેન્નઈ માટે રમનારો ગૌતમ આઇપીએલમાં પહેલાં


૨૦૧૮-૨૦૧૯માં રાજસ્થાન માટે અને ૨૦૨૦માં પંજાબ માટે રમી ચૂક્યો છે. આ ત્રણેય સીઝનમાં તે કુલ ૨૪ મૅચ રમ્યો હતો જેમાં તેણે કુલ ૧૮૬ રન બનાવીને ૧૩ વિકેટ લીધી હતી. ચેન્નઈની ટીમમાં આ વર્ષે મહેન્દ્ર સિંહ ધોની સાથે ડ્રેસિંગરૂમ શૅર કરવા મળશે એ વાતથી પણ ગૌતમ ઘણો ઉત્સાહી જોવા મ‍ળી રહ્યો છે.


Whatsapp-channel Whatsapp-channel

20 February, 2021 02:32 PM IST | Ahmedabad | Gujarati Mid-day Correspondent

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK