IPL 2020: SRH સાત રને જીતી

Published: 2nd October, 2020 23:31 IST | Gujarati Mid-day Online Correspondent | Mumbai

જાડેજા અને ધોનીની મહેનત નકામી ગઈ

તસવીર સૌજન્યઃ આઈપીએલનું ટ્વીટર અકાઉન્ટ
તસવીર સૌજન્યઃ આઈપીએલનું ટ્વીટર અકાઉન્ટ

આજે આઇપીએલ (IPL 2020)માં દુબઈમાં ત્રણ વખતની ચૅમ્પિયન ચેન્નઈ સુપર કિંગ્સની ટક્કર બે વખતની વિજેતા સનરાઇઝર્સ હૈદરાબાદ સામે જામી હતી. બન્ને ટીમની હાલત લગભગ એકસરખી હતી. બન્ને ટીમ તેમની પ્રથમ ત્રણ મૅચમાં એકમાત્ર જીત મેળવી શકી હતી અને પૉઇન્ટ-ટેબલ પર છેલ્લા બે સ્થાન પર બિરાજમાન છે. પહેલી બેટિંગ કરતા સનરાઈઝર્સ હૈદરાબાદ (SRH)એ પાંચ વિકેટે 164 રન કર્યા હતા, જેની સામે શરૂઆતથી જ નબળી બેટિંગ કરનારી ચેન્નઈ સુપરકિંગ્સ (CSK)એ 157 રન કર્યા હતા.

srh1

SRHમાં ડેવિડ વોર્નરે 28 રન, બેરીસ્ટો શૂન્ય, મનીષ પાંડે 21 બોલમાં પાંચ ફોર મારીને 29 રન, કેન વિલિયમસન નવ કન અને અભિષેક શર્માએ 24 બોલમાં ચાર ફોર અને એક સિક્સ મારીને 31 રન કર્યા હતા. અંતે પ્રિયમ ગર્ગ 26 બોલમાં છ ફોર અને એક સિક્સ મારીને 51 રન અને અબ્દુલ સામદ છ બોલમાં આઠ રને નોટઆઉટ રહ્યો હતો.

CSKના બોલર્સમાં ચહરે ચાર ઓવરમાં 31 રન આપીને બે વિકેટ, સેમ ક્યુરેને ત્રણ ઓવરમાં 37 રન, ઠાકુરે ચાર ઓવરમાં 32 રન આપીને એક વિકેટ, બ્રાવોએ ચાર ઓવરમાં 28 રન, ચાવલાએ ત્રણ ઓવરમાં 20 રન આપીને એક વિકેટ અને રવિન્દ્ર જાડેજાએ બે ઓવરમાં 16 રન આપ્યા હતા.

બીજી ઈનિંગમાં CSKની શરૂઆત જ નબળી રહી હતી. ડુ પ્લીસીસ 19 બોલમાં ચાર ફોર મારીને 22 રન, વોટસન છ બોલમાં એક રન, રાયડુ નવ બોલમાં આઠ રન, કેદાર જાધવ 10 બોલમાં ફક્ત ત્રણ રન, જાડેજાએ પાંચ ફોર અને બે સિક્સ મારીને 35 બોલમાં 50 રન, ધોનીએ 36 બોલમાં ચાર ફોર અને એક સિક્સ મારીને 47 રન અને સેમ ક્યુરને પાંચ બોલમાં 15 રન કર્યા હતા.

સનરાઈઝર્સ હૈદરાબાદના બોલર્સમાં રાશીદ ખાને ચાર ઓવરમાં ફક્ત 12 રન આપ્યા હતા. ભુવનેશ્વર કુમારે ત્રણ ઓવર એક બોલમાં 20 રન આપીને એક વિકેટ લીધી હતી. તેને ઈન્જરી થતા તે ચોથી ઓવર પુરી કરી શક્યો નહોતો. ખલીલ અહમદે ત્રણ ઓવર પાંચમાં 34 રન આપ્યા હતા. ની ટનરાજને ચાર ઓવરમાં 43 રન આપીને બે વિકેટ લીધી હતી. અભિષેક શર્માએ એક ઓવરમાં ચાર રન આપ્યા હતા જ્યારે અબ્દુલ સામદે ચાર ઓવરમાં 41 રન આપીને એક વિકેટ લીધી હતી.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK