IPL 2020: સેહવાગના આ નિવેદનથી CSK ફૅન્સ નારાજ થશે, જાણો શું કહ્યું...

ઈન્ડિયન પ્રિમિયર લીગ (IPL 2020)માં ચેન્નઈ સુપર કિંગ્સ (CSK) આ સીઝનમાં ભૂતકાળની સરખામણીએ થોડીક નબળી જણાઈ છે. રન ચેઝ કરવામાં ધીમી પડતી આ ટીમના બેટ્સમેનોએ પૂર્વ ક્રિકેટર વિરેન્દ્ર સેહવાગે ટોણો માર્યો છે જે કદાચ કોઈને નહીં ગમે.

કોલકાતા નાઈટ રાઈડર્સ સામે 168 રનનો ટાર્ગેટ ચેઝ કરતા સીએસકેને 60 બોલમાં ફક્ત 79 રન જોઈતા હતા. પરંતુ છેલ્લા 10 ઓવરમાં આઠની એવરેજ પણ આ ટીમ જાળવી શકી નહીં. પરિણામે વિરેન્દ્ર સેહવાગે કહ્યું કે, ચેન્નઈ સુપર કિંગ્સના અમૂક બેટ્સમેનને લાગે છે કે આ ફ્રેન્ચાઈઝી એક ‘સરકારી નોકરી’ જેવી છે.

ક્રિકબઝને આપેલા ઈન્ટરવ્યૂમાં સેહવાગે ઉમેર્યું કે, આ ટાર્ગેટ સીએસકે કરી શકી હોત. મને એવુ લાગે છે કે ચેન્નઈ સુપર કિંગ્સના બેટ્સમેન ટીમને એક સરકારી નોકરીની જેમ સમજે છે જેમાં તમે કામ કરો કે ન કરો પણ તમને પગાર તો મળશે જ.

છ મેચમાં ફક્ત ચાર પોઈન્ટ્સ મેળવનારી ચેન્નઈ સુપર કિંગ્સ પોઈન્ટ ટેબલમાં હાલ છઠ્ઠા ક્રમે છે. શનિવારે આ ટીમ રૉયલ ચેલેન્જર્સ બેંગ્લોર સામે રમશે.