IPL 2020: હાર બાદ નિરાશ થયેલા થયેલા મહેન્દ્ર સિંહ ધોનીને ફૅન્સે કહ્યું આ....

Published: 3rd October, 2020 14:28 IST | Gujarati Mid-day Online Correspondent | Mumbai

મહેન્દ્ર સિંહ ધોનીને નિરાશ જોઈને ફૅન્સે કહ્યું, 'ધોની થવું આસાન નથી'

તસવીર સૌજન્ય: ટ્વીટર
તસવીર સૌજન્ય: ટ્વીટર

યુએઈ (UAE)માં ઈન્ડિયન પ્રિમિયર લીગ (IPL)ની ૧૩મી સીઝનમાં શુક્રવારે દુબઈમાં ત્રણ વખતની ચૅમ્પિયન ચેન્નઈ સુપર કિંગ્સ (Chennai Super Kings)ની ટક્કર બે વખતની વિજેતા સનરાઇઝર્સ હૈદરાબાદ (Sunrisers Hyderabad) સાથે થઈ હતી. આ મેચ ખુબ ગંભીર સાબિત થઈ હતી. ચેન્નઇ સુપરકિંગ્ઝ અને સનરાઇઝર્સ હૈદરાબાદ વચ્ચે દિલધડક ખેલ ખેલાયો હતો. મૅચમાં એવી ઘટનાઓ ખેલાઇ હતી જેના ભારતીય ક્રિકેટ રસિયા જોવાના આદિ નથી. ભારતીય ટીમના કૅપ્ટન કુલ અને ચેન્નઈના કૅપ્ટન મહેન્દ્ર સિંહ ધોની (Mahendra Singh Dhoni) જીતની નજીક પહોંચ્યા બાદ પણ તેમની ટીમ મેચ હારી ગઈ હતી અન ધોની ખુબ નિરાશ થયો હતો. જે જોઈને ફૅન્સ પણ દુ:ખી થયા હતા. પણ ફૅન્સ ધોનીને પડખે ઉભા રહ્યાં છે. જેનો પુરાવો આપે છે, સોશ્યલ મીડિયા.

શુક્રવારની સનરાઇઝર્સ હૈદરાબાદ સામેની મેચમાં ચેન્નઈ સુપર કિંગ્સનું 165 રનનું લક્ષ્ય હતું. જેમા ચેન્નઈ સુપરકિંગ્સએ 157 રન કર્યા હતા. આ મેચમાં કૅપ્ટન મહેન્દ્ર સિંહ ધોની 36 બોલમાં 47 રન બનાવીને છેલ્લે સુધી ફિલ્ડ પર ટકી રહ્યો હતો. અંત સુધી મહેનત કરવા છતા ધોનીની ટીમ હારી ગઈ હતી. ત્યારબાદ ધોની નિરાશ થયો હતો અને ગ્રાઉન્ટ પર તે નિરાશ મુદ્રામાં અનેકવાર જોવા મળ્યો હતો. પછી સોશ્યલ મીડિયા પર ધોનીનું નામ ટ્રેન્ડ થવા લાગ્યું હતું. સોશ્યલ મિડીયા પર ધોનીનુ નામ ટ્રેન્ડ થતુ રહે છે પરંતુ શુક્રવારે રાત્રે નામ ટ્રેન્ડ થવાનુ કારણ કંઇક અલગ જ હતું. ધોનીની ટીમ હારી ચૂકી હતી અને ધોની થાકેલો હોય તેવી તસવીરો વાયરલ થઇ રહી હતી. આ બાદ ફેન્સે ધોની માટે ખૂબ સારી સારી વાતો લખવાની શરૂઆત કરી.

ફૅન્સે સોશ્યલ મીડિયા પર ધોનીની ગેમની પ્રશંસા કરી હતી. કેટલાક લોકોએ ધોનીની તુલના બાહુબલી સાથે કરી તો તેની જૂની સફળતાઓને યાદ કરીને તેને સન્માન આપ્યું.

ધોનીને નિરાશ જોયા બાદ ફૅન્સ સતત કઈ રહ્યાં છે કે, 'ધોની થવું આસાન નથી' તે 39 વર્ષનો છે. દુબઈમાં 35 ડિગ્રી તાપમાન વચ્ચે 20 ઓવર સુધી વિકેટ કિપિંગ કર્યા બાદ પાંચમ નંબરે બેટિંગની જવાબદારી નિભાવવી આસાન નથી.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK