IPL 2020: એક દિવસમાં ત્રણ સુપર ઓવર

Updated: 19th October, 2020 01:58 IST | Gujarati Mid-day Online Correspondent | UAE

KXIP બીજી સુપર ઓવરમાં જીતી

તસવીર સૌજન્યઃ આઈપીએલનું ટ્વીટર અકાઉન્ટ
તસવીર સૌજન્યઃ આઈપીએલનું ટ્વીટર અકાઉન્ટ

 

ઈન્ડિયન પ્રિમિયર લીગ (IPL 2020)માં એક જ દિવસમાં સતત બે મેચ સુપર ઓવર સુધી ખેંચાઈ હતી. આજે દુબઈ ખાતે મુંબઈ ઈન્ડિયન્સ (MI) અને કિંગ્સ ઈલેવન પંજાબ (KXIP)ની મેચ રમાઈ હતી, જેમાં મુંબઈ ઈન્ડિયન્સે પહેલી બેટિંગ કરતા છ વિકેટે 176 રન કર્યા હતા, જેની સામે કિંગ્સ ઈલેવન પંજાબે પણ શરૂઆતમાં સારી શરૂઆત કર્યા બાદ છ વિકેટે 176 રન કર્યા હતા. પહેલી સુપર ઓવર પણ ડ્રો થયા બાદ બીજી સુપર ઓવરમાં કિંગ્સ ઈલેવન પંજાબનો વિજય થયો હતો.

superover2

સુપર ઓવરમાં બુમરાહે પાંચ રન આપીને પૂરન અને રાહુલની વિકેટ પણ લીધી હતી. KXIPમાં શામીએ સુપર ઓવર કરી અને જેની સામે મુંબઈ ઈન્ડિયન્સના કૅપ્ટન રોહિત શર્મા અને વિકેટકીપર ક્વિન્ટન ડી કોક મેદાનમાં ઉતર્યા હતા. છેલ્લા બોલમાં જીતવા માટે રન જોઈતા હતા અને ડી કોક એક જ રન કરી શક્યો હતો. આમ પહેલી સુપર ઓવર પણ ડ્રો થઈ હતી.

runout

નિયમ મુજબ પહેલી સુપર ઓવરમાં જે ખેલાડીઓએ ભાગ લીધો હોય તે બીજી સુપર ઓવરમાં રમી શકે નહીં. પોલાર્ડે ભલે પહેલી સુપર ઓવરમાં બેટિંગ કરી નહીં પરંતુ તેનું નામ હોવાથી બીજી સુપર ઓવરમાં તે ભાગ લઈ શકે નહીં. જોકે પોલાર્ડે બેટિંગ નહીં કરી હોવાથી તે બીજી સુપર ઓવરમાં આવ્યો હતો.

બીજી સુપર ઓવરમાં MIના કાર્યન પોલાર્ડ અને હાર્દિક પંડ્યા KXIPના જોર્ડનનો સામનો કરતા 11 રન કર્યા હતા. KXIPના ગેઈલે પહેલા જ બોલમાં બોલ્ટ સામે સિક્સ મારીને મુંબઈ ઈન્ડિયન્સનું મનોબળ તોડ્યુ હતું. અંતે મયંક અગ્રવાલે મેચ ખતમ કરી હતી.

   

પહેલી ઇનિંગમાં MIના કૅપ્ટન રોહિત શર્માએ ફક્ત નવ રન, વિકેટકીપર ડી કોકે 43 બોલમાં ત્રણ ફોર અને ત્રણ સિક્સ મારીને 53 રને આઉટ થયો હતો. સુર્યકુમાર યાદવ એકેય રન કર્યા વિના આઉટ થયો હતો. ઈશાન કિશન સાત રન, કૃણાલ પંડ્યાએ 30 બોલમાં ચાર ફોર અને એક સિક્સ મારીને 34 રન, હાર્દિક પટેલ ચાર બોલમાં આઠ રને આઉટ થયો હતો. અંતે કાર્યન પોલાર્ડે 12 બોલમાં એક ફોર અને ચાર સિક્સ મારીને 34 રન અને કાઉન્ટ-નાઈલ 12 બોલમાં ચાર ફોર મારીને 24 રને નોટઆઉટ રહ્યો હતો.

ગ્લેન મેક્સવેલે ચાર ઓવરમાં 24 રન, મોહમ્મદ શામી ચાર ઓવરમાં 30 રન આપીને બે વિકેટ, અર્ષદ સિંહે ત્રણ ઓવરમાં 35 રન આપીને બે વિકેટ, ક્રિસ જોર્ડન ત્રણ ઓવરમાં 32 રન આપીને એક વિકેટ, એમ અશ્વિન ત્રણ ઓવરમાં 28 રન, દિપક હુડાએ એક ઓવરમાં 9 રન અને રવિ બિશ્નોઈ બે ઓવરમાં 12 રન આપીને એક વિકેટ લીધી હતી.

kldecock

બીજી ઈનિંગમાં KXIPના મયંક અગ્રવાલ 10 બોલમાં 11 રન, ક્રિસ ગેઈલ એક ફોર અને બે સિક્સ મારીને 21 બોલમાં 24 રન, નિકોલસ પૂરણ 12 બોલમાં બે ફોર અને બે સિક્સ મારીને 24 રન, ગ્લેનમેક્સ શૂન્ય, કૅપ્ટન કેએલ રાહુલ 51 બોલમાં સાત ફોર અને ત્રણ સિક્સ મારીને 77 રન, ક્રિસ જોર્ડને આઠ બોલમાં 13 રન અને દિપક હુડ્ડાએ 16 બોલમાં 23 રન કર્યા હતા.

મુંબઈ ઈન્ડિયન્સના બોલર્સની વાત કરીએ તો રાહુલ ચહરે ચાર ઓવરમાં 33 રન આપીને બે વિકેટ, જસપ્રિત બુમરાહ ચાર ઓવરમાં 24 રન આપીને ત્રણ વિકેટ, નાથન કાઉન્ટર-લાઈન ચાર ઓવરમાં 33 રન, કૃણાલ પંડ્યાએ બે ઓવરમાં 12 રન, કાર્યન પોલાર્ડ બે ઓવરમાં 26 રન, ટ્રેન્ટ બોલ્ટે ચાર ઓવરમાં 48 રન આપ્યા હતા.      

First Published: 19th October, 2020 00:17 IST
Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK