IPL 2020: KXIPએ ફોર કરતા સિક્સ વધુ મારી

Published: 15th October, 2020 23:02 IST | Gujarati Mid-day Online Correspondent | Mumbai

શરૂઆતથી જ સારી બેટિંગ કરતા કિંગ્સ ઈલેવન પંજાબ સરળતાથી મેચ જીતી

તસવીર સૌજન્યઃ આઈપીએલનું ટ્વીટર અકાઉન્ટ
તસવીર સૌજન્યઃ આઈપીએલનું ટ્વીટર અકાઉન્ટ

ઈન્ડિયન પ્રિમિયર લીગ (IPL 2020)માં આજે રૉયલ ચેલેન્જર્સ બેંગ્લોર (RCB) અને કિંગ્સ ઈલેવન પંજાબ (KXIP) વચ્ચે શારજહામાં મેચ રમાઈ હતી, જેમાં પહેલી બેટિંગ કરતા આરસીબીએ છ વિકેટે 171 રન કર્યા હતા, જેની સામે કિંગ્સ ઈલેવન પંજાબે સરળતાથી બે વિકેટે 177 રન કર્યા હતા. KXIPએ છ ફોર અને 14 સિક્સ મારી હતી.

પહેલી ઈનિંગમાં ફિન્ચ 20 રન, દેવદત્ત પડીક્કલ 18 રન, કૅપ્ટન વિરાટ કોહલી 39 બોલમાં 48 રન, વોશિંગ્ટન સુંદર 13 રન, શિવમ દુબે 23 રન, એબી ડી વિલીયર્સ બે રને આઉટ થયો હતો. જ્યારે ક્રિસ મોરિસ આઠ બોલમાં એક ફોર અને ત્રણ સિક્સ મારીને 25 રન અને ઉદાનાએ પાંચ બોલમાં એક સિક્સ સાથે 10 રને નોટઆઉટ રહ્યા હતા.

KXIPમાં મેક્સવેલે ચાર ઓવરમાં 28 રન, શામીએ ચાર ઓવરમાં 45 રન આપીને બે વિકેટ, અર્શદિપ સિંહ બે ઓવરમાં 20 રન આપીને એક વિકેટ, રવિ બિશ્નોઈ ત્રણ ઓવરમાં 29 રન, મુરુગન અશ્વિન ચાર ઓવરમાં 23 રન આપીને બે વિકેટ અને ક્રિસ જોર્ડને ત્રણ ઓવરમાં 20 રન આપીને એક વિકેટ લીધી હતી.

rcb

બીજી ઈનિંગમાં કિંગ્સ ઈલેવન પંજાબની શરૂઆત સારી રહી હતી. મયંક અગ્રવાલે 25 બોલમાં ચાર ફોર અને ત્રણ સિક્સ મારીને 45 રને આઉટ થયો હતો. જ્યારે ક્રિસ ગેઈલ એક ફોર અને પાંચ સિક્સ મારીને 45 બોલમાં 53 રને રનઆઉટ થયો હતો અને કેએલ રાહુલ 49 બોલમાં એક ફોર અને પાંચ સિક્સ સાથે 61 રન અને નિકોલસ પુરણે એક બોલમાં છ રન કર્યા હતા.

આરસીબીના બોલર્સની વાત કરીએ તો નવદિપ સૈનીએ ચાર ઓવરમાં ફક્ત 21 રન આપ્યા હતા. જ્યારે વોશિંગ્ટન સુંદરે ચાર ઓવરમાં 38 રન, ક્રિસ મોરીસે ચાર ઓવરમાં 22 રન, ઉદાનાએ બે ઓવરમાં 14 રન, મોહમ્મદ સિરાજે ત્રણ ઓવરમાં 44 રન અને યુઝવેન્દ્ર ચહલે ત્રણ ઓવરમાં 35 રન આપીને એક વિકેટ લીધી હતી.  

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK