IPL 2020: ધવનની સેન્ચ્યુરીથી દિલ્હી કૅપિટલ્સનો વિજય

Published: 17th October, 2020 23:17 IST | Gujarati Mid-day Online Correspondent | UAE

અક્ષર પટેલે પાંચ બોલમાં ત્રણ સિક્સ મારી

તસવીર સૌજન્યઃ આઈપીએલનું ટ્વીટર અકાઉન્ટ
તસવીર સૌજન્યઃ આઈપીએલનું ટ્વીટર અકાઉન્ટ

ઈન્ડિયન પ્રિમિયર લીગ (IPL 2020)માં આજે ચેન્નઈ સુપર કિંગ્સ (CSK) અને દિલ્હી કૅપિટલ્સ (DC)ની શારજહા ખાતે યોજાયેલી મેચમાં પહેલી બેટિંગ કરતા સીએસકેએ ચાર વિકેટે 179 રન કર્યા હતા, જેની સામે ડીસીએ પાંચ વિકેટે 185 રન કર્યા હતા.

પહેલી ઈનિંગમાં સેમ કૅરન શૂન્ય, ડુ પ્લેસિસ 47 બોલમાં છ ફોર અને બે સિક્સ મારીને 58 રન, વોટસન 28 બોલમાં છ ફોર મારીને 36 રન, કૅપ્ટન મહેન્દ્ર સિંહ ફક્ત ત્રણ રને આઉટ થયો હતો, જ્યારે અંબાતી રાયડુ 25 બોલમાં એક ફોર અને ચાર સિક્સ મારીને 45 રન અને રવિન્દ્ર જાડેજા ચાર સિક્સ મારીને 13 બોલમાં 33 રન કર્યા હતા.

du plesis

ડીસીના તુષાર દેશપાંડેએ ચાર ઓવરમાં 39 રન આપીને એક વિકેટ, રબાડાએ ચાર ઓવરમાં 33 રન આપીને એક વિકેટ લીધી જેમાં એક મેડેન ઓવરનો પણ સમાવેશ હતો. અક્ષર પટેલે ચાર ઓવરમાં 23 રન, નોર્તજેએ ચાર ઓવરમાં 44 રન આપીને બે વિકેટ, રવિચંદ્રન અશ્વિન ત્રણ ઓવરમાં 30 રન અને સ્ટોનીસે એક ઓવરમાં 10 રન આપ્યા હતા.

બીજી ઈનિંગમાં દિલ્હી કૅપિટલ્સનો પૃથ્વી શો બીજા જ બોલે શૂન્ય પર આઉટ થયો હતો. રહાણે 10 બોલમાં ફક્ત આઠ રન, કૅપ્ટન શ્રેયસ ગોપાલે 23 બોલમાં 23 રન, સ્ટોઈનીસ 14 બોલમાં એક ફોર અને બે સિક્સ મારીને 24 રન, એલેક્સ કેરી સાત બોલમાં ફક્ત ચાર, શિખર ધવને 58 બોલમાં 14 ફોર અને એક સિક્સ મારીને 101 અને અક્ષર પટેલે પાંચ બોલમાં ત્રણ સિક્સ સાથે 21 રન કરીને મેચ ખતમ કરી હતી.

સીએસકેમાં દિપક ચહરે ચાર ઓવરમાં 18 રન આપીને બે વિકેટ, સેમ કૅરન ચાર ઓવરમાં 35 રન આપીને એક વિકેટ, શાર્દુલ ઠાકુરે ચાર ઓવરમાં 39 રન આપીને એક વિકેટ, કરણ શર્માએ ત્રણ ઓવરમાં 34 રન, ડ્વેન બ્રાવોએ ત્રણ ઓવરમાં 23 રન આપીને એક વિકેટ અને રવિન્દ્ર જાડેજાએ  એક ઓવર પાંચ બોલમાં 35 રન આપ્યા હતા.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK