IPL 2020: બ્રાવો, હવે તું મારાથી પાછળ છે

ઇન્ડિયન પ્રીમિયર લીગ (આઇપીએલ)માં મંગળવારે મુંબઈ ઇન્ડિયન્સ રેકૉર્ડ પાંચમું ટાઇટલ જીત્યું હતું, જ્યારે તેમનો કૅરિબિયન ઑલરાઉન્ડર કિરોન પોલાર્ડ સૌથી વધુ ટી૨૦ ટાઇટલ જીતનાર ખેલાડી બન્યો હતો. પોલાર્ડ આ પહેલાં તેના જ દેશના ડ્વેઇન બ્રાવો સાથે ૧૪ ટાઇટલ સાથે બરોબરીમાં હતો, પણ મંગળવારે ૧૫મા ટાઇટલ સાથે તેણે બ્રાવોને પાછળ રાખી દીધો છે. આ સંદર્ભે ડ્વેન બ્રાવોને સંબોધતાં પોલાર્ડે કહ્યું, ‘બ્રાવો, હવે તું ટી૨૦ ટાઇટલની બાબતમાં મારાથી પાછળ છે. આ વાત મારે કૅમેરા સામે કહેવી છે.’
છેલ્લાં ૧૧ વર્ષથી મુંબઈ ઇન્ડિયન્સ સાથે જોડાયેલા કિરોન પોલાર્ડે ત્રણ હજારથી વધારે રન બનાવ્યા છે. આ વર્ષની સીઝનમાં તેણે ૧૯૧.૪૨ના સ્ટ્રાઇક રેટથી ૨૬૮ રન બનાવ્યા હતા.