રોહિત શર્માએ મેલબર્નમાં શરૂ કરી ટ્રેઇનિંગઃ ક્રિકેટ બોર્ડે કહ્યું....

ઇન્ડિયન ક્રિકેટ ટીમના હિટમૅન રોહિત શર્માએ સિડનીમાં ૧૪ દિવસનો ક્વૉરન્ટીન પિરિયડ પૂરો કર્યા પછી ગઈ કાલથી
મેલબર્નમાં ટ્રેઇનિંગ શરૂ કરી દીધી છે. ક્વૉરન્ટીન પિરિયડ પૂરો કરી તે બુધવારે મેલબર્ન પહોંચીને ટીમ સાથે જોડાયો હતો.

ભારતીય ક્રિકેટ બોર્ડ (બીસીસીઆઇ)એ રોહિત શર્માનો કૅચ-પ્રૅક્ટિસ કરતો ફોટો સોશ્યલ મીડિયામાં અપલોડ કર્યો હતો. ફોટો સાથે બીસીસીઆઇએ કહ્યું કે ‘એન્જિન શરૂ થઈ રહ્યું છે અને આવનારા દિવસોમાં શું જોવા મળશે એની આ એક ઝલક છે.’

ઉલ્લેખનીય છે કે આઇપીએલ બાદ રોહિત એક પણ મૅચ નથી રમ્યો અને ઈજાગ્રસ્ત હોવાને લીધે તે બૅન્ગલોરના નૅશનલ ક્રિકેટ ઍકૅડેમી (એનસીએ)માં રીહૅબમાં ગયો હતો. રોહિત પોતાની છેલ્લી ટેસ્ટ મૅચ કલકત્તામાં બંગલા દેશ સામે રમ્યો હતો જે ભારતની પહેલી પિન્ક બૉલ ટેસ્ટ હતી.