શ્રીલંકા સામે સિરીઝ ૪-૧થી જીતીને ભારત નંબર ટૂ થયું

Published: 5th August, 2012 04:40 IST

ભારતે ગઈ કાલે શ્રીલંકાને વન-ડે સિરીઝની છેલ્લી રસાકસીભરી મૅચમાં ૨૦ રનથી હરાવીને સિરીઝ ૪-૧થી જીતી લીધી હતી અને એ સાથે ભારત વન-ડેના રૅન્કિંગ્સમાં ત્રીજા પરથી બીજા નંબર પર આવી ગયું હતું. ઑસ્ટ્રેલિયા નંબર વન છે.

પલ્લેકેલ :

ભારતે ગૌતમ ગંભીરના ૮૮, મહેન્દ્ર સિંહ ધોનીના ૫૮ તેમ જ ઇરફાન પઠાણના અણનમ ૨૯ રનની મદદથી ૭ વિકેટે ૨૯૪ રન બનાવ્યા હતા. લસિથ મલિન્ગાએ સૌથી વધુ ત્રણ વિકેટ લીધી હતી. શ્રીલંકા ૪૫.૪ ઓવરમાં ૨૭૪ રનના ટોટલ પર ઑલઆઉટ થઈ ગયું હતું. ૨૫૨ રનના સ્કોર પર છ વિકેટ હતી, પરંતુ મૅન ઑફ ધ મૅચ ઇરફાન પઠાણે ૩ અને અશોક ડિન્ડાએ એક વિકેટ લઈને શ્રીલંકનોને જીતથી વંચિત રાખ્યા હતા. પઠાણે કુલ ૬૧ રનમાં પાંચ વિકેટ લીધી હતી. ડિન્ડાને કુલ બે અને ઝહીરને એક વિકેટ મળી હતી. લાહિરુ થિરિમાનેએ ૭૭ અને જીવન મેન્ડિસે ૭૨ રન બનાવ્યા હતા. સિરીઝમાં બે સદી સાથે સૌથી વધુ ૨૯૬ રન બનાવનાર વિરાટ કોહલીને મૅન ઑફ ધ સિરીઝનો અવૉર્ડ મળ્યો હતો.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK