ભારતના ચાર મેડલ પાક્કા બૉક્સિંગ વર્લ્ડ કપમાં
પ્રતીકાત્મક તસવીર
જર્મનીના કોલોગ્નેમાં રમાઈ રહેલા વર્લ્ડ કપમાં ભારતના ચાર મેડલ પાક્કા થઈ ગયા છે. ૫૨ કિલોગ્રામ વર્ગમાં અમિત પંઘલે ફાઇનલમાં પ્રવેશ્યા બાદ આ આંકડો ચાર થયો હતો. સપોર્ટ સ્ટાફમાં એક વ્યક્તિ કોરોના-પૉઝિટિવ હોવાથી ચિંતાનું વાતાવરણ સર્જાયું હતું.
અમિત પંઘલે ફ્રેન્ચના બિલાલ બેન્નામાને ૫-૦થી હરાવીને ફાઇનલમાં પ્રવેશ કર્યો હતો. આ પહેલાં ત્રણ મહિલા ૭૫ કિલોગ્રામ વર્ગમાં પૂજા રાની, ૫૭ કિલોગ્રામ વર્ગમાં મનીષા અને ૬૦ કિલોગ્રામ વર્ગમાં સિમરન કૌર ટુર્નામેન્ટના અંતિમ તબક્કામાં પહોંચી હતી.
ADVERTISEMENT
સ્પોર્ટ્સ ઑથોરિટી ઑફ ઇન્ડિયાએ જણાવ્યું હતું કે ‘ફિઝિયોથેરપિસ્ટ રોહિત કશ્યપ કોરોના-પૉઝિટિવ આવ્યો છે, પણ બૉક્સરો સુરક્ષિત છે. તેમની તપાસ કરવામાં આવી હતી અને તેઓ નેગેટિવ જોવા મળ્યા હતા. ફિઝિયોથેરપિસ્ટને આઇસોલેટ કરવામાં આવ્યા છે.’