ઇન્ડિયા સામેની ટેસ્ટમાં બોલ્ટની એન્ટ્રી

Published: Feb 18, 2020, 11:58 IST | Wellington

વન-ડે બાદ ટેસ્ટમાં પણ ડેબ્યુ કરશે કાયલ જેમિસન : ૧૦૦મી ટેસ્ટ મૅચ રમી ક્રિકેટનાં ત્રણેય ફૉર્મેટમાં ૧૦૦ મૅચ રમનાર પ્લેયર બનશે રૉસ ટેલર

ટ્રેન્ટ બોલ્ટ
ટ્રેન્ટ બોલ્ટ

ન્યુ ઝીલૅન્ડ માટે સારા સમાચાર છે કે તેમનો મેઇન બોલર ટ્રેન્ટ બોલ્ટ સ્વસ્થ થઈ ગયો હોવાથી ઇન્ડિયા સામેની ટેસ્ટ સિરીઝમાં ભાગ લઈ શકશે. ઇન્ડિયા-ન્યુ ઝીલૅન્ડ સામેની ટેસ્ટ સિરીઝ ૨૧ ફેબ્રુઆરીથી શરૂ થવાની છે. ઇન્ડિયા સામેની વન-ડે સિરીઝમાં ડેબ્યુ કરનાર ન્યુ ઝીલૅન્ડનો પ્લેયર કાયલ જેમિસન હવે ટેસ્ટ સિરીઝમાં પણ ડેબ્યુ કરી રહ્યો છે. ન્યુ ઝીલૅન્ડ ક્રિકેટ ટીમના કોચ ગેરી સ્ટેડે કહ્યું હતું કે ‘સારી વાત છે કે ટ્રેન્ટ ટીમમાં જોડાઈ રહ્યો છે અને જ્યારે તેના હાથમાં બૉલ આવશે ત્યારે તેની એનર્જી અને તેના અનુભવનો અમને ફાયદો મળશે એવી આશા રાખીએ છીએ.’

ઇન્ડિયા સામેની વન-ડે સિરીઝમાં જબરદસ્ત પ્રદર્શન કરનારા કાયલ જેમિસનને પણ ન્યુ ઝીલૅન્ડની ટેસ્ટ ટીમમાં સામેલ કરવામાં આવ્યો છે. બોલ્ટ અને જેમિસન સાથે ટીમમાં ટીમ સાઉધી અને અન્ય બોલરોનો પણ સારો સહયોગ મળી રહેશે એવી ટીમને આશા છે. ઇન્ડિયા સામેની આ પહેલી ટેસ્ટ મૅચ રૉસ ટેલરની ૧૦૦મી ટેસ્ટ મૅચ હશે. ક્રિકેટનાં ત્રણેય ફૉર્મેટમાં ૧૦૦-૧૦૦ મૅચ રમનારો તે વિશ્વનો પ્રથમ પ્લેયર બનશે.

Loading...
 
 
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK