ઓવર-થ્રોના નિયમમાં ફેરફાર કરવા વિશે વિચારણા

ઇંગ્લૅન્ડના એક ન્યુઝપેપરના રિપોર્ટ પ્રમાણે જ્યારે એમસીસી સબ-કમિટીની આગામી મીટિંગ યોજાશે ત્યારે ઓવર-થ્રો વિશે ચર્ચા કરવામાં આવશે.

ક્રિકેટના નિયમ બનાવતી મેરિલબોર્ન ક્રિકેટ ક્લબ (એમસીસી) ઓવર-થ્રોના નિયમમાં ફેરફાર કરવા માટે ચર્ચા કરશે. લૉર્ડ્સમાં રમાયેલી વર્લ્ડ કપની ફાઇનલ મૅચમાં ઓવર-થ્રોના નિયમને કારણે વિવાદ થયો હતો. ઇંગ્લૅન્ડના એક ન્યુઝપેપરના રિપોર્ટ પ્રમાણે જ્યારે એમસીસી સબ-કમિટીની આગામી મીટિંગ યોજાશે ત્યારે ઓવર-થ્રો વિશે ચર્ચા કરવામાં આવશે.

વર્લ્ડ કપ ફાઇનલમાં છેલ્લા ૩ બૉલમાં ૯ રન જોઈતા હતા અને માર્ટિન ગપ્ટિલે ફેંકેલો બૉલ બેન સ્ટોક્સના બૅટને વાગીને બાઉન્ડરીને ક્રૉસ કરતાં ઇંગ્લૅન્ડને ઓવર-થ્રોના ૪ રન મળ્યા હતા. આ ૪ રનને કારણે તેઓ મૅચને સુપરઓવરમાં લઈ જવામાં સફળ થયા હતા અને અંતે બાઉન્ડરી-કાઉન્ટના આધારે તેઓ ચૅમ્પિયન બન્યા હતા.

આ પણ જુઓઃ જુઓ ઓન સ્ક્રીન સીધી સાદી દેખાતી ભૂમિ પેડનેકરના સિઝલિંગ ફોટોસ

ભૂતપૂર્વ મૅચ-રેફરી સાઇમન ટોફેલે કહ્યું કે નિયમો પ્રમાણે અમ્પાયરે ૬ નહીં, પાંચ રન આપવા જોઈએ, કારણ કે ગપ્ટિલે જ્યારે બાઉન્ડરી પરથી થ્રો કરવા માટે બૉલ રિલીઝ કર્યો ત્યારે બૅટ્સમેન ક્રૉસ નહોતા થયા.