ધોની સાથેની સરખામણી ગમે છે, પણ હું મારી અલગ ઓળખ બનાવવા માગું છું: પંત
ધોની સાથેની સરખામણી ગમે છે, પણ હું મારી અલગ ઓળખ બનાવવા માગું છું: પંત
મહેન્દ્ર સિંહ ધોનીના સ્થાને ટીમ ઇન્ડિયા માટે વિકેટકીપરની ફરજ બજાવતો રિષભ પંત અન્ય સાથી ખેલાડીઓ સાથે ભારત આવી પહોંચ્યો છે. તેણે ગઈ કાલે દિલ્હી ઍરપોર્ટ પર લૅન્ડ કર્યું હતું. ઑસ્ટ્રેલિયામાં તેની શાનદાર ઇનિંગ્સને લીધે સૌકોઈ તેની પ્રશંસા કરી રહ્યું છે અને મહેન્દ્ર સિંહ ધોની સાથે તેની સરખામણી કરી રહ્યા છે.
ધોની સાથેની પોતાની સરખામણીના મુદ્દે વાત કરતાં રિષભ પંતે કહ્યું કે ‘જ્યારે તમારી સરખામણી ધોની જેવા દિગ્ગજ ખેલાડીઓ સાથે કરવામાં આવે ત્યારે સ્વાભાવિક છે કે તમને ઘણું સારું લાગે, પણ હું નથી ઇચ્છતો કે મારી કોઈની સાથે સરખામણી કરવામાં આવે. ભારતીય ક્રિકેટમાં હું મારી એક અલગ ઓળખાણ બનાવવા માગું છું, કેમ કે કોઈ પણ યુવા ખેલાડી માટે કોઈ પણ દિગ્ગજ પ્લેયર સાથે સરખામણી કરવી યોગ્ય નથી. અમે જે પ્રમાણે ઑસ્ટ્રેલિયામાં પ્રદર્શન કર્યું એ જોઈને આખી ટીમ ઘણી ખુશ છે.’
