પિતા બન્યો હાર્દિક પંડ્યા, નતાશાએ આપ્યો પુત્રને જન્મ
હાર્દિક પંડ્યા પત્ની નતાશા સાથે
ભારતીય ક્રિકેટ ટીમના દિગ્ગજ ખેલાડી હાર્દિક પંડ્યાની પત્ની નતાશા સ્ટેનકોવિકે દીકરાને જન્મ આપ્યો છે. હાર્દિકના પરિવારમાં એક નાનકડા મહેમાનનું આગમન થવાથી તેના લાખો ચાહકોનએ તેને સોશિયલ મીડિયા પર શુભેચ્છાઓ આપી છે.
હાર્દિકે દીકરાનો હાથ પકડેલી તસવીર શૅર કરી છે. આ તસવીર ખૂબ જ સુંદર છે. અને તેની સાતે જ ક્રિકેટરે દીકરાના આગમનનો આનંદ પણ વ્યક્ત કર્યો છે.
ADVERTISEMENT
We are blessed with our baby boy ❤️?? pic.twitter.com/DN6s7aaZVE
— hardik pandya (@hardikpandya7) July 30, 2020
આ પહેલા તેમણે નતાશા સાથેની તસવીર શૅર કરતાં લખ્યું હતું કે 'કમિંગ સૂન'
આમ તો નતાશા અને હાર્દિક પંડ્યાએ પહેલા જ ચાહકોને એવી અણસાર આપી દીધી હતી કે ટૂંક સમયમાં જ તે પોતાના પહેલા સંતાનના માતા-પિતા બનવાના છે. તેમણે સોશિયલ મીડિયા પર તસવીરો શૅર કરી હતી જેમાં તેણે લખ્યું હતું કે, "મૉમ ટુ બી નતાશા પણ આ ખાસ ક્ષણને લઈને ખૂબ જ ઉત્સુક છે."
ઉલ્લખનીય છે કે હાર્દિક પંડ્યા અને નતાશા, બન્નેએ આ સમયને ખૂબ જ એન્જૉય કર્યો છે. સોશિયલ મીડિયા પર બન્નેની રોમાન્ટિક તસવીરો ખૂબ જ વાયરલ પણ થઈ છે. પ્રેગ્નેન્સી દરમિયાન નતાશાએ પોતાની અનેક તસવીરો લેવડાવી છે અને લૉકડાઉનનો તેમને ખૂબ જ લાભ થયો છે કે હાર્દિક સતત નતાશા સાથે રહી શક્યો.
હાર્દિકના પહેલા સંતાનના જન્મના સમાચાર મળ્યા પછી હવે ચાહકો એ બાબત માટે ઉત્સાહિત છે કે હવે તેઓ પોતાના બાળકનું નામ શું રાખશે. જો કે અત્યાર સુધી આ વાતની માહિતી સામે આવી નથી. ક્રિકેટ અને મનોરંજન જગતમાંથી પણ અનેક લોકોએ હાર્દિક પંડ્યા અને નતાશાને પેરેન્ટ્સ બનવાની શુભેચ્છાઓ આપી છે.
