હરભજને એક્સેપ્ટ કર્યો યુવરાજનો ચેલેન્જ, સચિને પણ શૅર કર્યો વીડિયો
હરભજન સિંહ
ભારતીય ટીમના પૂર્વ દિગ્ગજ ખેલાડી યુવરાજ સિંહે ભારતીય ટીમના જ ત્રણ દિગ્ગજ ખેલાડીઓને એક ખાસ ચેલેન્જ આપી હતી, જેમાં એક બેટની સાઇડના ભાગથી બૉલને હિટ કરતા રહેવાનું હતું. આ ચેલેન્જ યુવરાજ સિંહે મહાન બેટ્સમેન સચિન તેંદુલકર, રોહિત શર્મા અને હરભજન સિંહને આપ્યો હતો. સાથે જ તેમણે કહ્યું હતું કે રોહિત શર્મા અને સચિન તેંદુલકર આ ચેલેન્જ કરી શકશે, પણ હરભજન માટે મુશ્કેલ હશે.
હવે ઑફ સ્પિનર હરભજન સિંહે પણ આ ચેલેન્જ એક્સેપ્ટ કરી લીધો છે અને પોતાનો વીડિયો સોશિયલ મીડિયા પર પોસ્ટ કર્યો છે. હરભજન સિંહ કોઇક બાળકના બેટથી એક ઇમોજીવાળા બૉલને વારંવાર હિટ કરતો દેખાય છે અને વીડિયોમાં કહે છે કે યુવરાજ સિંહ જો મેં તારી ચેલેન્જ એક્સેપ્ટ કરી લીધી છે અને હું અન્ય ત્રણ દિગ્ગજોને આ માટે નોમિનેટ કરું છું. હરભજને આ વીડિયો ઇન્સ્ટાગ્રામ પર શૅર કર્યો છે.
ADVERTISEMENT
હરભજન સિંહે આ ચેલેન્જ ભારતીય ટીમના પૂર્વ કૅપ્ટન સૌરવ ગાંગુલી, અનિલ કુંબલે અને શિખર ધવનને નોમિનેટ કર્યા છે. આ પહેલા સચિન તેંદુલકરે આંખ પર પટ્ટી બાંધી યુવરાજ સિંહના ચેલેન્જનો સ્વીકાર કરતા બૉલને બેટના સાઇડના ભાગથી સતત હિટ કર્યું હતું, પણ પછીના વીડિયોમાં જણાવ્યું કે જે પટ્ટી તેમણે પોતાની આંખ પર બાંધી હતી તેમાંથી બધું દેખાતું હતું, આ રીતે સચિને ચીટિંગ કરી હતી.
જો કે, રોહિત શર્માએ યુવરાજ સિંહનો આ ખાસ ચેલેન્જ એક્સેપ્ટ કર્યો નથી. તો, હરભજને જે ત્રણ દિગ્ગજ ખેલાડીઓને આ ચેલેન્જ આપી છે, તેમણે પણ અત્યાર સુધી કોઇ વીડિયો પોતાના સોશિયલ મીડિયા અકાઉન્ટ પર શૅર કર્યો નથી. હકીકતે આનો હેતુ એક જ છે કે કોઇક ને કોઇક રીતે ઘરે જ રહેવુંઅને પોતાના ચાહકોને એન્ટરટેઇન કરવા.
