ઍરલાઇન્સને લીધે સિરીઝ અટકી

Published: 12th February, 2021 12:23 IST | Agency | Harare

એમિરેટ્સે હરારે-દુબઈ રૂટ બંધ કરવાની જાહેરાત કરતાં ઝિમ્બાબ્વે સામેની સિરીઝ અટકાવીને પાકિસ્તાનની મહિલા ટીમ આજે ઘરભેગી

ફાઈલ તસવીર
ફાઈલ તસવીર

આજે ઝિમ્બાબ્વે સામે રમાનારી બીજી વન-ડેની તૈયારીઓ છોડીને પાકિસ્તાનની મહિલા ક્રિકેટ ટીમે બૅગ પૅક કરીને આજે પાકિસ્તાન ચાલ્યા જવું પડશે. વાત જાણે એમ છે કે પાકિસ્તાનની મહિલા ટીમ ત્રણ વન-ડે અને ત્રણ ટી૨૦ મૅચની સિરીઝ રમવા ઝિમ્બાબ્વે ગઈ હતી. પહેલી મૅચમાં પાકિસ્તાને જીત મેળવી હતી અને આજે બીજી વન-ડે રમાવાની હતી, પણ ગઈ કાલે અચાનક આ ટૂરની ઑફિશ્યલ કૅરિયર ઍમિરેટ્સ ઍરલાઇન્સે ગઈ કાલે અચાનક જાહેરાત કરી હતી કે અમે શનિવાર ૧૩ ફેબ્રુઆરીત્રી ૨૮ ફેબ્રુઆરી દરમ્યાન હરારે-દુબઈ રૂટને બંધ કરીએ છીએ. આ જાહેરાત બાદ પાકિસ્તાન અને ઝિમ્બાબ્વે ક્રિકેટ બોર્ડે બીજો કોઈ વિકલ્પ ન હોવાથી સિરીઝ રદ કરીને પાકિસ્તાનની ટીમને વતન પાછી મોકલી આપવાનો નિર્ણય લીધો હતો.
સિરીઝ બાદ પાકિસ્તાનની મહિલા ટીમ ૨૧ ફેબ્રુઆરીએ પાછી ફરવાની હતી, પણ ઍરલાઇન્સ બંધ થવાને લીધે ટીમે વહેલા ઘરભેગી થવું પડ્યું છે.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK