બીજી ટેસ્ટમાં ફવાદ આલમને ચાન્સ મળવો જોઈએ : અકરમ
વસીમ અક્રમ
પાકિસ્તાન ક્રિકેટ ટીમના ભૂતપૂર્વ કૅપ્ટન વસીમ અકરમનું કહેવું છે કે ઇંગ્લૅન્ડ સામેની બીજી ટેસ્ટમાં ફવાદ આલમને ચાન્સ મળવો જોઈએ. ત્રણ ટેસ્ટની શ્રેણીમાં ઇંગ્લૅન્ડ ૧-૦થી લીડ લઈ ચૂક્યું છે. પોતાનો મત જણાવતાં અકરમે કહ્યું કે ‘આગામી મૅચમાં વિકેટ બહુ ટર્ન થતી જોવા નહીં મળે. તમે એક સ્પિનર અને એક એક્સ્ટ્રા બૅટ્સમૅન સાથે રમી શકો છો. તમને એક મિડલ ઑર્ડર બૅટ્સમૅનની જરૂર પડશે અને એ કામ ફવાદ કરી શકશે. તે પોતે લેફ્ટ-હૅન્ડ બૅટ્સમૅન છે એટલે રાઇટ-લેફ્ટનું કૉમ્બિનેશન પણ બનાવી શકાશે. ફર્સ્ટ ક્લાસ ક્રિકેટમાં તેની ઍવરેજ ઘણી સારી છે. ટેસ્ટ ડેબ્યુમાં તેણે સેન્ચુરી મારી હતી. માટે જો હું કૅપ્ટન હોઉં તો મિડલ ઑર્ડર માટે તેને પસંદ કરું.’
ફવાદ અત્યાર સુધી ત્રણ ટેસ્ટ અને ૩૮ વન-ડે રમી ચૂક્યો છે. એ ઉપરાંત રાશિદ લતિફે ટીમ મૅનેજમેન્ટને ટીમમાં હૈદર અલીનો સમાવેશ કરવાની સલાહ આપી છે.
