ભજીએ ચોરને કહ્યું, મારો પાસપોર્ટ અને લાઇસન્સ તો પાછાં આપી દે

Published: Dec 13, 2011, 09:19 IST

ઑફ સ્પિનરની કારમાંથી બૅગ ચોરાઈ ગઈ જેમાં તેનાં ૧૦ ક્રેડિટ કાર્ડ પણ હતાં



નવી દિલ્હી: હરભજન સિંહ ગઈ કાલે સાંજે પોતાની કારમાં એક મિત્ર સાથે દિલ્હી આવી રહ્યો હતો ત્યારે તેની કારમાંથી ભજીની બૅગ ચોરાઈ ગઈ હતી જેમાં તેનો પાસપોર્ટ, ડ્રાઇવિંગ લાઇસન્સ તેમ જ ૧૦ ક્રેડિટ કાર્ડ હતાં. આ ચોરી થયા બાદ ભજીએ દિલ્હીમાં પત્રકારો સાથેની વાતચીતમાં ચોરી કરનાર શખ્સો માટેની અપીલમાં કહ્યું હતું કે ‘મેં ક્રેડિટ કાર્ડ ગુમાવ્યા એનું મને ઘણું દુ:ખ છે, પરંતુ પાસપોર્ટ ગુમાવ્યાં એ બહુ ખોટું થયું, કારણ કે એ નવો બનાવવામાં બહુ માથાકૂટ થતી હોય છે. જેણે પણ મારી બૅગ ચોરી છે તેમને મારી અપીલ છે કે પ્લીઝ, કમસે કમ મારો પાસપોર્ટ અને ડ્રાઇવિંગ લાઇસન્સ પાછાં મોકલી આપો.’

ભજી અને તેનો ફ્રેન્ડ દિલ્હી આવતી વખતે એક કૉફી શૉપમાં ગયા અને પાંચ મિનિટમાં પાછા આવ્યા એ દરમ્યાન કેટલાક શખ્સો તેની કારની બારીનો કાચ તોડીને અંદરથી બૅગ લઈને નાસી ગયા હતા. તેણે બધાં ક્રેડિટ કાર્ડ ફ્રીઝ કરાવી દીધાં છે.

 

Loading...
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK