અક્ષર પટેલ ફિટ, નદીમનું પત્તું કપાશે

ઇન્જરીને લીધે પહેલી ટેસ્ટમાં ડેબ્યુ કરવાનો મોકો ગુમાવનાર અક્ષર પટેલ ફિટ થઈ ગયો છે અને ટીમ સાથે પ્રૅક્ટિસ સેશનમાં જોડાઈ ગયો છે. શનિવારથી શરૂ થતી બીજી ટેસ્ટમાં ભારતીય ટીમ કદાચ નબળા પર્ફોર્મન્સને લીધે શાહબાદ નદીમને ડ્રૉપ કરીને અક્ષર પટેલને મોકો આપી શકે છે. પહેલી ટેસ્ટમાં વૉશિંગ્ટન સુંદર પણ ઇંગ્લિશ બૅટ્સમેનોને કાબૂમાં નહોતો રાખી શક્યો અને તેનું સ્થાન પણ ખતરામાં છે, પણ સુંદરે પહેલી ઇનિંગમાં બનાવેલા લડાયક ૮૫ રન કદાચ તેને બચાવી લેશે. કુલદીપ યાદવનો બીજી ટેસ્ટમાં સમાવેશ કરવા માટે પણ સુનીલ ગાવસકર સહિત ઘણા ભૂતપૂર્વ ખેલાડીઓ માગણી કરી રહ્યા છે. બીજી ટેસ્ટમાં પિચ વધુ સ્પિનર ફ્રેન્ડ્લી હોવાની શક્યતાને લીધે ભારત ફરી ત્રણ સ્પિનરો સાથે ઊતરશે.