કૅરોલિના મરીન અને વિક્ટર ઍક્સેલ્સ જીત્યા થાઇલૅન્ડ ઓપનનો ખિતાબ

સ્પેનની સ્ટાર બૅડ્મિન્ટન મહિલા ખેલાડી કૅરોલિના મરીને ગઈ કાલે થાઇલૅન્ડ ઓપનના મહિલા સિંગલ્સની ફાઇનલ મૅચમાં તાઇવાનની તાઇ ત્ઝ્યુ યિંગને ૨૧-૯, ૨૧-૧૬થી હરાવીને થાઇલૅન્ડ ઓપનનો ખિતાબ પોતાના નામે કર્યો હતો. બન્ને વચ્ચે ૪૨ મિનિટ સુધી આ મુકાબલો ચાલ્યો હતો.

સામા પક્ષે મૅન્સ સિંગલ્સમાં ડેન્માર્કના વિક્ટર ઍક્સેલ્સને હૉન્ગ કૉન્ગના ઍન્ગસ લૉન્ગને ૨૧-૧૪, ૨૧-૧૪થી હરાવીને થાઇલૅન્ડ ઓપનનો ખિતાબ જીત્યો હતો.