કોરોનાને લીધે બિગ બૅશની ત્રણ મૅચ સિડનીથી કૅનબેરા ખસેડાઈ

કોરોના મહામારીને લીધે રાજ્યની સરહદ બંધ થવાથી હાલમાં ઑસ્ટ્રેલિયામાં ચાલી રહેલી ટી૨૦ લીગ બિગ બૅશની ત્રણ મૅચ સિડનીથી કૅનબેરાના મનૌકા ઓવલ સ્ટેડિયમમાં ખસેડવાનો નિર્ણય લેવામાં આવ્યો છે. બિગ બૅશના ચીફ ઍલિસ્ટર ડોબસને જણાવ્યું હતું કે ‘જાહેર આરોગ્યની સ્થિતિ અને સંબંધિત રાજ્યની સરહદ બંધ હોવાને લીધે બિગ બૅશની આ ૧૦મી સીઝન ચાલુ રહે એ સુનિશ્ચિત કરવા માટે આ ત્રણ મૅચોને સિડનીથી કૅનબેરા ખસેડવાનો નિર્ણય લેવામાં આવ્યો છે. અમે સિડની પર સતત નજર રાખી રહ્યા છીએ અને આગામી સમયમાં સિડનીમાં થનારી બાકીની મૅચ પર નિર્ણય લઈશું.’

જે મૅચોને શિફટ કરવામાં આવી છે એ છે ૧૩ જાન્યુઆરીની સિડની થન્ડર્સ અને સિડની સિક્સર્સ, ૧૬ જાન્યુઆરીની સિડની સિક્સર્સ અને પર્થ સ્કૉર્ચર્સ તથા ૧૮ જાન્યુઆરીની સિડની થન્ડર્સ અને હોબાર્ટ હરિકૅન્સ વચ્ચેનો સમાવેશ છે.