પહેલી માર્ચ સુધી પહોંચો અમદાવાદ; ધવન, સૂર્યકુમાર, ઈશાન અને તેવટિયાને બોર્ડનો આદેશ

ઇંગ્લૅન્ડ સામેની ચાર ટેસ્ટ મૅચની સિરીઝ બાદ બન્ને દેશ‍ વચ્ચે પાંચ ટી૨૦ અને ત્રણ વન-ડે મૅચની સિરીઝ રમાવાની છે. ‍એવામાં ગઈ કાલે ભારતીય ક્રિકેટ બોર્ડ (બીસીસીઆઇ)એ શિખર ધવન, સૂર્યકુમાર યાદવ, ઈશાન કિશન અને રાહુલ તેવટિયાને ૧ માર્ચ સુધી અમદાવાદ પહોંચવાનો આદેશ આપ્યો છે. આ ચારેય પ્લેયર્સ હાલમાં વિજય હઝારે ટુર્નામેન્ટમાં રમી રહ્યા છે.

અમદાવાદ પહોંચ્યા બાદ આ ખેલાડીઓેને ક્વૉરન્ટીન કરવામાં આવશે અને ત્યાર બાદ જ તેઓ ભારતીય ટીમ સાથે જોડાઈને પ્રૅક્ટિસ-સેશનમાં ભાગ લઈ શકશે. એમાં પણ પોતાનો લય પાછો મેળવવા પ્લેયરોને બે-ત્રણ મૅચ રમવાનું કહેવામાં આવ્યું છે.