બંગલા દેશે આપેલા ૩૯૫ના લક્ષ્યાંક સામે કૅરિબિયનોએ કર્યા ૩ વિકેટે ૧૧૦ રન

Published: 7th February, 2021 16:32 IST | Gujarati Mid-day Correspondent | Chattogram

ટેસ્ટ જીતવાથી વેસ્ટ ઇન્ડીઝ હજી ૨૮૫ રન દૂર

પ્રતીકાત્મક તસવીર
પ્રતીકાત્મક તસવીર

પહેલી ટેસ્ટ મૅચના ત્રીજા દિવસના અંત સુધી ત્રણ વિકેટે ૪૭ રન બનાવ્યા બાદ બંગલા દેશે ગઈ કાલે મૅચના ચોથા દિવસે કૅપ્ટન મોમીનુલ હકની ૧૧૫ રનની ઇનિંગને લીધે મૅચમાં પોતાનો દબદબો જાળવી રાખ્યો હતો. પાંચમી વિકેટ માટે મોમીનુલ હક અને લિટન દાસ (૬૯) વચ્ચે ૧૩૩ રનની ઇનિંગ રમાઈ હતી. આ બન્ને પ્લેયર્સ આઉટ થયા બાદ ૬૮મી ઓવરમાં બે વિકેટ ગુમાવતાં બંગલા દેશે ૮ વિકેટે ૨૨૩ રન પર બીજી ઇનિંગ ડિક્લેર કરી હતી. આ ઇનિંગમાં વેસ્ટ ઇન્ડીઝે સાત પ્લેયર પાસે બોલિંગ કરાવડાવી હતી. પહેલી ઇનિંગમાંના શેષ રહેલા ૧૭૧ રન અને બીજી ઇનિંગના ૨૨૩ રન મળી કુલ ૩૯૪ રન કરીને વેસ્ટ ઇન્ડીઝ સામે ટેસ્ટ મૅચ જીતવા માટે ૩૯૫ રનનો લક્ષ્યાંક હતો. આ લક્ષ્ય પ્રાપ્ત કરવા ઊતરેલી વેસ્ટ ઇન્ડીઝે બીજી ઇનિંગમાં દિવસના અંત સુધી ત્રણ વિકેટે ૧૧૦ રન બનાવી લીધા હતા. તેમને આ ટેસ્ટ મૅચ જીતવા હજી ૨૮૫ રનની જરૂર છે.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK