રોમ રૅન્કિંગ્સ સિરીઝ બજરંગ પુનિયા અને રવિ કુમાર જીત્યા ગોલ્ડ મોડલ
ભારતીય રેસલર બજરંગ પુનિયા અને રવિ કુમાર દહિયાએ ગઈ કાલે રાતે રોમ રૅન્કિંગ્સ સિરીઝની ફાઇનલમાં ધમાકેદાર પ્રદર્શન કરતાં ગોલ્ડ મેડલ જીત્યા હતા. તેમણે અમેરિકાના બૉક્સર જૉર્ડન ઓલિવરને ૪-૩થી હરાવતાં ૬૫ કિલોગ્રામની ફ્રીસ્ટાઇલ કૅટેગરીમાં ગોલ્ડ મેડલ કબજે કર્યો છે.
બીજી બાજુ રવિ કુમારે ૬૧ કિલોગ્રામ ફ્રીસ્ટાઇલ કૅટેગરીનો ગોલ્ડ પોતાના નામે કર્યો છે. તેણે કઝાકિસ્તાનના નુરબોલાત અબ્દુઆલિયેવને ૧૨-૨થી કારમો પરાજય આપ્યો હતો. બજરંગે જ્યાં ગોલ્ડ માટે મહેનત કરવી પડી તો રવિ માટે આ મુકાબલો એકતરફી રહ્યો હતો.
નોંધનીય છે કે રવિ આ વખતે ૬૧ કિલોગ્રામની કૅટેગરીમાં લડી રહ્યો હતો, જ્યારે આ પહેલાં તે ૫૭ કિલોગ્રામ કૅટેગરીમાં ઊતરતો હતો.
