અઝહરુદ્દીનનો દીકરો અને સાનિયાની બહેન ડિસેમ્બરમાં કરશે નિકાહ
ટેનિસ સ્ટાર પ્લેયર સાનિયા મિર્ઝાની બહેન અનમ મિર્ઝા અને ક્રિકેટર મોહમ્મદ અઝહરુદ્દીનનો દીકરો અસદ અઝરુદ્દીન ડિસેમ્બરમાં નિકાહ કરશે. આ વાતની જાણકારી ખુદ સાનિયાએ આપી છે. અનમની બૅચલર પાર્ટી માટે તેઓ પૅરિસ ગયાં હતાં ત્યાંથી આવ્યાં બાદ લગ્નનો મહિનો જાહેર કરવામાં આવ્યો છે. અનમના આ બીજા નિકાહ છે. હૈદરાબાદના ઉદ્યોગપતિ અકબર રશીદ સાથે તેણે ૨૦૦૮માં છૂટાછેડા લીધા હતા. લગ્ન વિશે પૂછતાં સાનિયાએ કહ્યું હતું કે ‘અનમ ડિસેમ્બરમાં લગ્ન કરી રહી છે. અમે હાલમાં જ પૅરિસથી તેની બૅચલર ટ્રિપ પરથી આવ્યાં છીએ. અમે તેના માટે ખૂબ જ ઉત્સાહિત છીએ.’
