Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > સ્પોર્ટ્સ સમાચાર > અન્ય સ્પોર્ટ્સ > આર્ટિકલ્સ > સેમી ફાઇનલમાં હારતાં રડી પડી સેરેના

સેમી ફાઇનલમાં હારતાં રડી પડી સેરેના

19 February, 2021 09:46 AM IST | Melbourne
Gujarati Mid-day Correspondent | feedbackgmd@mid-day.com

સેમી ફાઇનલમાં હારતાં રડી પડી સેરેના

સેમી ફાઇનલમાં હારતાં રડી પડી સેરેના


ટેનિસજગતની દિગ્ગજ મહિલા પ્લેયર સેરેના વિલિયમ્સ માટે ૨૪મું ગ્રૅન્ડ સ્લૅમ ટાઇટલ જીતવાની વધુ એક તક હાથમાંથી સરી ગઈ હતી. ઑસ્ટ્રેલિયન ઓપનમાં જપાનની નાઓમી ઓસાકાએ સેરેનાને ૩-૬, ૪-૬થી હરાવીને ટુર્નામેન્ટની બહાર કરી દીધી હતી અને પોતે મહિલા એકલ વર્ગની ફાઇનલમાં પ્રવેશ કર્યો હતો.

પોતાના પહેલા બા‍ળકના જન્મ બાદ આ સેરેનાનો ૧૧મો ગ્રૅન્ડ સ્લૅમ મુકાબલો હતો. ૨૦૧૮ ઑસ્ટ્રેલિયન ઓપનમાં પોતે બરાબર તૈયારી કરી ન હોવાનું કહીને તેણે પોતાનું નામ ટુર્નામેન્ટમાંથી પાછું ખેંચી લીધું હતું. મૅચ પછીની પ્રેસ-કૉન્ફરન્સમાં સેરેનાને પૂછવામાં આવ્યું હતું કે તને સતત મળેલી હાર શું તારી ઑસ્ટ્રેલિયન ઓપનમાંથી ફેરવેલ તરફ અંગુલિનિર્દેશ કરી રહી છે. એનો જવાબ આપતાં સેરેનાએ કહ્યું કે ‘મને નથી ખબર. જો મારે ફેરવેલ લેવું હશે તો હું કોઈને નહીં કહું. મેં બધું પતાવી દીધું છે. મેં આજે મૅચમાં ઘણી ભૂલો કરી હતી. એક સમયે મારી પાસે તક હતી, પણ મારા માટે આજનો દિવસ ભૂલોથી ભરેલો હતો. મને ખુશી છે કે આખી ટુર્નામેન્ટમાં હું સારું રમી છું. જે પણ ભૂલો કરી એ બધી સામાન્ય ભૂલો હતી. મેલબર્ન અને ઑસ્ટ્રેલિયનના ચાહકોનો હું આભાર માનું છું.’



સામા પક્ષે સેરેનાને હરાવી અપસેટ સર્જનાર નાઓમી ઓસાકાએ કહ્યું હતું કે સેરેનાને હરાવવું મારે માટે સપના જેવું છે અને નાનપણથી હું સેરેનાને કોર્ટમાં રમતી જોતી આવી છું.


Whatsapp-channel Whatsapp-channel

19 February, 2021 09:46 AM IST | Melbourne | Gujarati Mid-day Correspondent

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK