બીજી વાર ઑસ્ટ્રેલિયન ચૅમ્પિયન બની ઓસાકા

Published: 21st February, 2021 12:25 IST | Gujarati Mid-day Correspondent | Melbourne

ફાઇનલમાં જેનિફર બ્રાડીને સીધા સેટમાં ૬-૪, ૬-૩થી હરાવીને જીતી કરીઅરનું ચોથું ગ્રૅન્ડ સ્લૅમ

જપાનની મહિલા ટેનિસ સ્ટાર નાઓમી ઓસાકા ગઈ કાલે ઑસ્ટ્રેલિયન ઓપનની ફાઇનલમાં અમેરિકાની જેનિફર બ્રાડીને ૬-૪, ૬-૩થી હરાવીને પોતાનું બીજું ઑસ્ટ્રેલિયન ઓપન ટાઇટલ અને ચોથું ગ્રૅન્ડ સ્લૅમ ટાઇટલ જીતી હતી. આ પહેલાં ૨૦૧૮ અને ૨૦૨૦માં તે યુએસ ઓપનનું અને ૨૦૧૯માં ઑસ્ટ્રેલિયન ઓપનનું ટાઇટલ જીતવામાં સફળ રહી હતી. આ સાથે ઓસાકાની આ સતત ૨૧મી મૅચ જીત હતી.

ટાઇટલ જીત્યા બાદ આનંદ વ્યક્ત કરતાં ઓસાકાએ કહ્યું કે ‘હું મારું છેલ્લું ગ્રૅન્ડ સ્લૅમ ચાહકોની હાજરીમાં નહોતી રમી શકી, પણ આ મૅચની એનર્જી મારા માટે ઘણી મહત્ત્વની રહી છે. અહીં આવવા બદલ તમારો આભાર. હાલમાં મને લાગી રહ્યું છે કે આ ગ્રૅન્ડ સ્લૅમ રમવું મારે માટે અત્યંત ગર્વની વાત છે. આ તક બદલ થૅન્ક યુ.’

આજે પુરુષોની ફાઇનલ નોવાક જોકોવિચ વિરુદ્ધ ડેનિલ મેડવેડેવ

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK