ઑસ્ટ્રેલિયાનો બોલિંગ-અટૅક ઇન્ડિયા કરતાં જબરદસ્ત : પૉન્ટિંગ
રિકી પૉન્ટિંગ (PC : PTI)
(આઇ.એ.એન.એસ.) ઑસ્ટ્રેલિયાના ભૂતપૂર્વ કૅપ્ટન રિકી પૉન્ટિંગનું કહેવું છે કે ઇન્ડિયા કરતાં ઑસ્ટ્રેલિયાનો બોલિંગ અટૅક જોરદાર છે. ઇન્ડિયાની બોલિંગની હાલમાં વાહવાહી થઈ રહી છે, પરંતુ પૉન્ટિંગનું માનવું થોડું અલગ છે. આ વિશે વધુ જણાવતાં પૉન્ટિંગે કહ્યું હતું કે ‘અઠવાડિયાના કોઈ પણ દિવસે હું અમારી ટીમને પસંદ કરીશ. જસપ્રિત બુમરાહ અને મોહમ્મદ શમી છેલ્લાં ઘણાં વર્ષથી ખૂબ જ અદ્ભુત દેખાવ કરી રહ્યા છે તેમ જ ઉમેશ યાદવ અને ઇશાંત શર્માની જોડી પણ હાલમાં સારું પર્ફોર્મ કરી રહી છે. તેમની પાસે સારા ફાસ્ટ બોલર્સ છે. આ તમામની વચ્ચે રવિચન્દ્રન અશ્વિન અને રવીન્દ્ર જાડેજાને મૂકતાં તેમનો બોલિંગ અટૅક વધુ સારો બની જાય છે.
આ પણ જુઓ : Mithali Raj: ભારતીય મહિલા ક્રિકેટ ટીમની કેપ્ટન છે આટલી બોલ્ડ અને બ્યૂટીફુલ
જોકે તેમના સ્પિનર્સને ઑસ્ટ્રેલિયામાં ખૂબ જ તકલીફ પડે છે. ઇન્ડિયન સ્પિનર કરતાં નૅથન લાયન પાસે સારો અનુભવ છે તેમ જ મિચલ સ્ટાર્ક ખૂબ જ અદ્ભુત છે. અમારા બૉલર્સ દરેક કન્ડિશનમાં ઇન્ડિયન બોલર્સ કરતાં સારો અટૅક કરી શકે છે.’
