જીત્યા એનો આનંદ, પણ બધી મૅચો ન જીતી શક્યા એનો અફસોસ : ક્લાર્ક

Published: 31st October, 2011 20:12 IST

ડર્બન: વર્લ્ડ કપ પછી ઑસ્ટ્રેલિયાની કૅપ્ટન્સી સંભાળ્યા પછી માઇકલ ક્લાર્ક એકેય સિરીઝ નથી હાર્યો. જોકે શુક્રવારે સાઉથ આફ્રિકા સામેની વન-ડે સિરીઝ ૨-૧થી જીતી ગયા પછી પણ તે બહુ ખુશ નહોતો. તેણે એક ઇન્ટરવ્યુમાં કહ્યું હતું કે ‘અમારે સાઉથ આફ્રિકા સામેની વન-ડે સિરીઝની ત્રણેય મૅચો જીતવી જોઈતી હતી. અમે શ્રીલંકામાં શ્રીલંકનોનો વાઇટવૉશ નહોતા કરી શક્યા અને અહીં સાઉથ આફ્રિકનો સામે પણ એવું ન કરી શક્યા.’

 

 

૧૯૮૭માં પહેલી વાર વર્લ્ડ કપ જીત્યા પછી ૧૯૯૯માં બીજી વખત જીત્યા બાદ ઑસ્ટ્રેલિયનોએ જ ટ્રોફી જીતી હતી. જોકે ત્યાર પછી આ વખતે પહેલી વાર એ સિદ્ધિ નહોતા મેળવી શક્યા અને ભારતીય ટીમ મેદાન મારી ગઈ હતી. બીજી એપ્રિલે પૂરા થયેલા વર્લ્ડ કપ બાદ ઑસ્ટ્રેલિયનો બંગલા દેશમાં રમવા ગયા હતા જ્યાં તેમણે ક્લીન-સ્વીપ કરી હતી. જોકે માઇકલ ક્લાર્ક માત્ર એ ક્લીન-સ્વીપથી ખુશ નથી. તેણે જણાવ્યું હતું કે ‘બંગલા દેશીઓ સામે જીત્યા પછી અમારી ટીમે અનેકગણી વધુ પડકારરૂપ શ્રીલંકન અને સાઉથ આફ્રિકન ટીમ સામે ક્લીન-સ્વીપ કરવી જોઈતી હતી. જોકે હવે ૯ નવેમ્બરે સાઉથ આફ્રિકા સામે શરૂ થતી બે મૅચની ટેસ્ટસિરીઝમાં અમે એ ઇચ્છા પૂરી કરીશું એવી મને ખાતરી છે.’

 

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK