ઑસ્ટ્રેલિયા ટૂર વિરાટ ઍન્ડ ટીમ માટે આ વખતે અલગ હશે : ગૌતમ ગંભીર

Published: Aug 04, 2020, 13:03 IST | IANS | Mumbai

આ વખતે ઑસ્ટ્રેલિયન ટીમમાં સ્ટીવ સ્મિથ અને ડેવિડ વૉર્નર જેવા દિગ્ગજ પ્લેયર પણ રમી શકે છે, જે ભારતીય ટીમ માટે ખતરો ઊભો કરવામાં સક્ષમ છે.

ગૌતમ ગંભીર
ગૌતમ ગંભીર

ભારત અને ઑસ્ટ્રેલિયા વચ્ચે વર્ષના અંતે બૉર્ડર-ગાવસકર ટ્રોફી રમાવાની છે અને આ ટૂર ભારતીય ટીમ માટે અલગ સાબિત થઈ શકે છે, એવું ગૌતમ ગંભીરનું માનવું છે. આ વખતે ઑસ્ટ્રેલિયન ટીમમાં સ્ટીવ સ્મિથ અને ડેવિડ વૉર્નર જેવા દિગ્ગજ પ્લેયર પણ રમી શકે છે, જે ભારતીય ટીમ માટે ખતરો ઊભો કરવામાં સક્ષમ છે. ચાર ટેસ્ટ મૅચની સિરીઝ ૩ ડિસેમ્બરથી શરૂ થશે અને આ વખતે ઑસ્ટ્રેલિયન ટીમ પોતાની પાછલી હારનો બદલો લેવા મહેનત કરીને મેદાનમાં ઊતરવા તૈયારી કરી રહી છે. ટૂરના સંદર્ભમાં પોતાના વિચાર પ્રગટ કરતાં ગૌતમ ગંભીરે કહ્યું કે ‘કોહલી માટે આ પહેલી ટેસ્ટ હોય, બીજી હોય કે ગમે એટલામી હોય, ડેવિડ વૉર્નર અને સ્ટીવ સ્મિથ સાથે એક અલગ પ્રકારની રમત જોવા મળી શકે છે.

ભારત પાસે સારો એવો બોલિંગ-અટૅક છે, પણ આ વખતે જે ચૅલેન્જ સામે દેખાઈ રહી છે એ ગયા વખત કરતાં ઘણી અલગ છે. વિરાટ કોહલીએ પણ પોતાના બૅટથી જાદુ બતાવવો પડશે અને બોલરોએ પણ પોતાનો અનુભવ બતાવવો પડશે, કારણ કે આ બોલર જ તમને ટેસ્ટ ક્રિકેટ જિતાડી શકે છે.’ 

Loading...
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK