અર્યના સબાલેન્કા અબુ ધાબી ઓપનમાં ચૅમ્પિયન

આબુ ધાબી ઓપનની ફાઇનલમાં વૅરોનિકા કુડેર્મેટોવાને સીધા સેટમાં ૬-૨, ૬-૨થી હરાવીને બેલારુસની અર્યના સબાલેન્કા ચૅમ્પિયન બની હતી. સબાલેન્કાએ આ સાથે સતત ત્રીજી ટુર્નામેન્ટ ઉપરાંત સતત ૧૫મી મૅચ જીતી હતી. સબાલેન્કાએ ગઈ સીઝનની છેલ્લી બે ટુર્નામેન્ટ જીતી હતી અને તે છેલ્લે ગયા વર્ષે ઑક્ટોબરમાં ફ્રેન્ચ ઓપનના ચોથા રાઉન્ડમાં હારી હતી. આ જીત સાથે રૅન્કિંગમાં ત્રણ રૅન્કની બઢતી સાથે સાતમા નંબરે પહોંચી જશે. સબાલેન્કા અને કુડેર્મેટોવા ઑસ્ટ્રેલિયા પહોંચીને ક્વૉરન્ટીન પિરિયડ બાદ ઑસ્ટ્રેલિયન ઓપનમાં ભાગ લેશે.