અંકિતા રૈના ફરી ચૂકી ગઈ ઇતિહાસ રચવાથી

અંકિતા રૈના ફરી ચૂકી ગઈ ઇતિહાસ રચવાથી

અંકિતા રૈના

ભારતની ટૉપ રૅન્ક મહિલા ટેનિસ ખેલાડી અંકિતા રૈના ફરી ગ્રૅન્ડ સ્લૅમમાં મહિલા સિંગલ્સના મેઇન ડ્રૉમાં પ્રવેશીને ઇતિહાસ રચવાથી ફરી ચૂકી ગઈ હતી. અંકિતા ગઈ કાલે દુબઈમાં ચાલી રહેલા ઑસ્ટ્રેલિયન ઓપન ક્વૉલિફાયર્સના ત્રીજા અને ફાઇનલ રાઉન્ડમાં સર્બિયાની હરીફ ઓલ્ગા ડૅનિલોવિક સામે ૨-૬, ૬-૩, ૧-૬થી હારી ગઈ હતી. ગ્રૅન્ડ સ્લૅમના સિંગલ્સના મેઇન ડ્રૉમાં પ્રવેશવા માટે અંકિતાનો છઠ્ઠો પ્રયાસ હતો. જો ગઈ કાલે અંકિતા જીતી ગઈ હોત તો તે નિરુપમા વૈદ્યનાથન અને સાનિયા મિર્ઝા બાદ ગ્રૅન્ડ સ્લૅમના મહિલા સિંગલ્સના મેઇન ડ્રૉમાં પ્રવેશ મેળવનાર ત્રીજા મહિલા ખેલાડી બની જાત. અંકિતાની હાર સાથે હવે આ વર્ષના પ્રથમ ગ્રૅન્ડ સ્લૅમના સિંગલ મુકાબલામાં સુમિત નાગલ જ ભારતનો એકમાત્ર ખેલાડી હશે. નાગલને આ વખતે ઑસ્ટ્રેલિયન ઓપનમાં વાઇલ્ડ કાર્ડ એન્ટ્રી મળી છે.

ADVERTISEMENT