ટેનિસમાં અમદાવાદની અંકિતા રૈનાએ મેળવ્યું સિંગલ્સનું પ્રથમ ટાઇટલ

Published: 28th December, 2014 05:38 IST

ભારતની અંકિતા રૈનાએ વર્લ્ડ ટેનિસ સર્કિટમાં પોતાની સ્થિર બઢત જાળવી રાખી છે. અંકિતાએ ગઈ કાલે પુણેમાં ડેક્કન જિમખાના ખાતેની એનઇસીસી-આઇટીએફ વુમન્સ ટુર્નામેન્ટમાં તેણે બ્રિટિશ ટિનેજર કૅટી દુનૅને સીધા સેટમાં માત આપીને પોતાનું સર્વપ્રથમ ૧૫ લાખ રૂપિયાની ઇનામવાળી ટુર્નામેન્ટમાં સિંગલ્સનું ટાઇટલ હાંસલ કર્યું છે.




અમદાવાદમાં જન્મેલી ૨૧ વર્ષીય આ ખેલાડીએ ૧૯ વર્ષીય બ્રિટિશ પ્રતિસ્પર્ધીને વધુ પરસેવો પાડ્યા વગર ૬-૨ ૬-૨ના સીધા સેટમાં હાર આપીને પોતાનું સર્વપ્રથમ ટાઇટલ કબજે કર્યું છે. આમ ૧૪ વર્ષ બાદ આ ટુર્નામેન્ટ જીતીને તે ભારતની સર્વપ્રથમ ખેલાડી બની છે. આ ઉપરાંત અંકિતાએ ૫૦ ડબ્લ્યુટીએ પૉઇન્ટ સાથે અંદાજે ૨.૪૫ લાખ રૂપિયાની વિનર પ્રાઇઝ પણ જીતી છે.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK