ગિલક્રિસ્ટ અને મૅક્ગ્રા થયા શાંત પુજારા પર આફરીન
ઑસ્ટ્રેલિયન ટીમના બે ભૂતપૂર્વ ક્રિકેટરો ઍડમ ગિલક્રિસ્ટ અને ગ્લેન મૅક્ગ્રાએ ઍડીલેડ ટેસ્ટના પહેલા દિવસની રમતને માણી હતી જેમાં ઑસ્ટ્રેલિયાના બોલરોએ વેધક પ્રદર્શન કર્યું હતું તો બીજી તરફ ચેતેશ્વર પુજારાએ પણ યોગ્ય જવાબ આપતાં સેન્ચુરી ફટકારી હતી. મૅક્ગ્રાએ કહ્યું હતું કે ‘સારું થયું ઑસ્ટ્રેલિયા ટૉસ હારી ગયું. પિચ બીજા દિવસે એટલી બધી જીવંત નહીં હોય.’
બીજી તરફ ગિલક્રિસ્ટ કહ્યું હતું કે ‘ભારતીય બોલરો પણ તેમની ક્ષમતા મુજબ પ્રદર્શન કરીને ટીમને વાપસી કરાવશે.’
ADVERTISEMENT
બન્ને દિગ્ગજોએ એક છેડેથી સતત વિકેટ પડી રહી હોવા છતાં ધીરજ ગુમાવ્યા વગર બૅટિંગ કરનારા પુજારાનાં વખાણ કયાર઼્ હતાં. બીજી તરફ ભૂતપૂર્વ ભારતીય બૅટ્સમૅન કરસન ઘાવરીએ પુજારા જે રીતે રનઆઉટ થયો એ બાબતે હતાશા વ્યક્ત કરતાં કહ્યું હતું કે ‘એક વધારાના રન માટે વિકેટ ગુમાવવી એક ગુના સમાન છે. તે થોડો ધીમો હતો એથી આ રીતે વધારાના રન માટે સાહસ કરવાની જરૂર નહોતી.’
