અમે મેન્ડિસને પ્રેશરમાં લાવીને નિષ્ફળ બનાવીશું : ડિવિલિયર્સ
હમ્બનટોટા:
જોકે સાઉથ આફ્રિકન કૅપ્ટન એ. બી. ડિવિલિયર્સ શ્રીલંકન સ્પિનર અજંથા મેન્ડિસને આજે પ્રેશરમાં લાવીને નિષ્ફળ બનાવવા મક્કમ છે. મેન્ડિસે ઝિમ્બાબ્વે સામેની મૅચમાં ૮ રનમાં ૬ વિકેટ લઈને T20 ઇન્ટરનૅશનલમાં તેમ જ T20 વર્લ્ડ કપમાં નવો વિક્રમ સરજ્યો હતો.
ડિવિલિયર્સે ગઈ કાલે પત્રકારોને કહ્યું હતું કે ‘મેન્ડિસ વર્લ્ડ-ક્લાસ સ્પિનર છે. તે ફૉર્મમાં હોય ત્યારે મોટી સંખ્યામાં વિકેટો લે છે. જોકે અમે તેને પ્રેશરમાં પફોર્ર્મ કરતો અને એ સ્થિતિમાં તૂટી પડતો જોયો છે. અમે તેને આજે પ્રેશરમાં લાવ્યા વિના નહીં રહીએ.’
