શકિબુલ હરાજીમાં બે કરોડ રૂપિયામાં વેચાયો

Published: 22nd December, 2012 10:58 IST

જોકે તે માત્ર ૯૦ લાખ રૂપિયા જ મેળવી શકશે, બીજા પ્લેયરો પણ બીપીએલના ઑક્શનના વિચિત્ર નિયમના શિકાર




ઢાકા: આવતા વર્ષની બીપીએલ (બંગલા દેશ પ્રીમિયર લીગ) માટે વિશ્વનો નંબર ટૂ ઑલરાઉન્ડર શકિબુલ હસન ઢાકા ગ્લૅડિયેટર્સ નામની ટીમ દ્વારા રસાકસીભરી હરાજી બાદ ૩,૬૫,૦૦૦ ડૉલર (અંદાજે બે કરોડ રૂપિયા)માં ખરીદવામાં આવ્યો હતો. જોકે સ્પર્ધાનો નિયમ એવો છે કે દરેક પ્લેયર માટે ૭૫,૦૦૦ ડૉલર (૪૧ લાખ રૂપિયા)ની ટોચમર્યાદા રાખવામાં આવી છે અને જે પ્લેયર એ ટોચમર્યાદા કરતાં વધુ ભાવે વેચાય તો એ ઉપરની રકમના માત્ર ૩૦ ટકા એ પ્લેયરને મળે અને બાકીની રકમમાંથી ૬૦ ટકા હિસ્સો બંગલા દેશ ક્રિકેટ બોર્ડને તથા ૧૦ ટકા ભાગ ટુર્નામેન્ટની ઇવેન્ટ-મૅનેજમેન્ટ કંપની ગેમ ઑન સ્પોર્ટ્સને મળે.

શકિબુલ બે કરોડ રૂપિયામાં વેચાયો હતો, પરંતુ વિચિત્ર હિસાબ-કિતાબ મુજબ તેના ભાગમાં માત્ર ૧,૬૫,૦૦૦ ડૉલર (૯૦ લાખ રૂપિયા) આવશે. આ રકમ એક વર્ષના કૉન્ટ્રૅક્ટની છે. બીજા ઘણા પ્લેયરો સાથે પણ આવું બન્યું હતું.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK