‘ચીનના ખેલાડી પર પ્રભુત્વ મેળવવાની યોજના હતી, પરંતુ આશિષના પંચ સરખી રીતે નિશાન પર વાગ્યા જ નહીં. છેલ્લા રાઉન્ડમાં તેણે પ્રયાસ કર્યો, પરંતુ ત્યાં સુધી ઘણું મોડું થઈ ગયું હતું.’
ભારતીય બૉક્સર પહેલા રાઉન્ડમાં જ થયો આઉટ
પહેલી જ વખત ઑલિમ્પિક્સમાં ભાગ લેનાર આશિષ ચૌધરી (૭૫ કિલોગ્રામ) સારી શરૂઆત કરવામાં નિષ્ફળ રહ્યો હતો. ચીનના એરબિકે તાઉહેતા સામે પહેલા જ રાઉન્ડમાં હારીને બહાર થઈ ગયો હતો. એશિયન ગેમ્સમાં સિલ્વર મેડલ જીતનાર ૨૭ વર્ષનો આશિષ ૦-૫થી હારી ગયો હતો. હિમાચલ પ્રદેશનો બૉક્સર પહેલા જ રાઉન્ડમાં પાછળ રહી ગયો હતો અને બીજા રાઉન્ડમાં આશિષે વળતો પ્રહાર કરવાનો પ્રયાસ કર્યો હતો, પણ સારા પંચ ન મારી શકતાં ચીનનો ખેલાડી આ રાઉન્ડમાં પણ આગળ જ રહ્યો હતો. ભારતીય બૉક્સિંગના હાઇ પર્ફોર્મન્સ ડિરેક્ટર સેન્ટિઆગો નીવાએ કહ્યું કે ‘ચીનના ખેલાડી પર પ્રભુત્વ મેળવવાની યોજના હતી, પરંતુ આશિષના પંચ સરખી રીતે નિશાન પર વાગ્યા જ નહીં. છેલ્લા રાઉન્ડમાં તેણે પ્રયાસ કર્યો, પરંતુ ત્યાં સુધી ઘણું મોડું થઈ ગયું હતું.’