° °

આજનું ઇ-પેપર
Wednesday, 26 January, 2022


આફ્રિકા કપમાં સુપરસ્ટાર મોહમ્મદ સાલહની ટીમ હારી, નાઇજિરિયા સામે ૦-૧થી પરાજિત

13 January, 2022 04:23 PM IST | Mumbai | Gujarati Mid-day Correspondent

આફ્રિકા ખંડના ૨૪ દેશો વચ્ચે કૅમેરુનમાં ચાલી રહેલી આફ્રિકા કપ ઑફ નેશન્સ ફુટબૉલ સ્પર્ધામાં ત્રણ વખત ચૅમ્પિયન બનેલા ગ્રુપ-‘ડી’ના નાઇજિરિયાએ સાત વાર વિજેતાપદ મેળવનાર ઇજિપ્તને પોતાની પહેલી જ લીગ મૅચમાં ૧-૦થી હરાવી દીધું હતું.

આફ્રિકા કપમાં સુપરસ્ટાર મોહમ્મદ સાલહની ટીમ હારી

આફ્રિકા કપમાં સુપરસ્ટાર મોહમ્મદ સાલહની ટીમ હારી

આફ્રિકા ખંડના ૨૪ દેશો વચ્ચે કૅમેરુનમાં ચાલી રહેલી આફ્રિકા કપ ઑફ નેશન્સ ફુટબૉલ સ્પર્ધામાં ત્રણ વખત ચૅમ્પિયન બનેલા ગ્રુપ-‘ડી’ના નાઇજિરિયાએ સાત વાર વિજેતાપદ મેળવનાર ઇજિપ્તને પોતાની પહેલી જ લીગ મૅચમાં ૧-૦થી હરાવી દીધું હતું. યુરોપિયન ફુટબૉલના સુપરસ્ટાર ખેલાડી મોહમ્મદ સાલહે ઇજિપ્તની ટીમની કૅપ્ટન્સી સંભાળી હતી અને તેની હાજરીમાં મૅચની 
૩૦મી મિનિટમાં કેલેચી ઇએનાચોએ ગોલ કરીને નાઇજિરિયાને ૧-૦થી સરસાઈ અપાવી હતી.
નાઇજિરિયાના પ્લેયરોએ ફૉર્વર્ડ ખેલાડી મોહમ્મદ સાલહને શરૂઆતથી અંત સુધી કાબૂમાં રાખ્યો હતો અને તેને એક પણ ગોલ નહોતો કરવા દીધો. અહીં ખાસ ઉલ્લેખ કરવાનો કે સાલહે કરીઅર દરમ્યાન ઇજિપ્ત વતી કુલ બાવન અને પ્રોફેશનલ ક્લબો વતી ૧૬૦થી પણ વધુ ગોલ કર્યા છે. ઇંગ્લિશ પ્રીમિયર લીગમાં વર્તમાન સીઝનમાં તેણે લિવરપુલ વતી કરેલા ૧૬ ગોલ તમામ ખેલાડીઓમાં હાઇએસ્ટ છે. એ સ્પર્ધામાં મૅન્ચેસ્ટર યુનાઇટેડના ક્રિસ્ટિયાનો રોનાલ્ડોના તેનાથી અડધા (૮) ગોલ છે.
આફ્રિકા કપની અન્ય મૅચોમાં ગિની-બિસાઉ દેશ અને સુદાન વચ્ચેની મૅચ ૦-૦થી ડ્રૉ ગઈ હતી. આ સ્પર્ધા જીતવા માટે ફેવરિટ ગણાતા ગ્રુપ-‘ઇ’ના અલ્જીરિયાની સિયરા લીઓની સામેની મૅચ પણ ૦-૦ રહેતાં બન્ને ટીમને એક-એક પૉઇન્ટ મળ્યો હતો. અલ્જીરિયાના આક્રમક ખેલાડીઓને સિયરાના પ્લેયરોએ જબરદસ્ત લડત આપી હતી અને તેમને એકેય ગોલ નહોતો કરવા દીધો.

13 January, 2022 04:23 PM IST | Mumbai | Gujarati Mid-day Correspondent

અન્ય લેખો

અન્ય સ્પોર્ટ્સ

૬૩મા પ્રયાસે ફ્રેન્ચ ખેલાડી કૉર્નેટનો ગ્રૅન્ડ સ્લૅમની ક્વૉર્ટર ફાઇનલમાં પ્રવેશ

ચોથા રાઉન્ડમાં અપસેટ સર્જતાં રોમાનિયાની સિમોના હેલપને ત્રણ સેટના રોમાંચક જંગમાં ૬-૪, ૩-૬, ૬-૪થી હરાવી

25 January, 2022 02:45 IST | Mumbai | Gujarati Mid-day Correspondent
અન્ય સ્પોર્ટ્સ

બે વર્ષ અને ચાર મહિના બાદ ટાઇટલ જીતી સિંધુ

પી. વી. સિંધુએ ગઈ કાલે લખનઉમાં સૈયદ મોદી ઇન્ટરનેશનલ ટુર્નામેન્ટની ફાઇનલ આસાનીથી જીતીને બીજી વાર આ સ્પર્ધાનું ટાઇટલ જીતી લીધું હતું

24 January, 2022 12:45 IST | New Delhi | Gujarati Mid-day Correspondent
અન્ય સ્પોર્ટ્સ

નડાલ ૨૧મા ઐતિહાસિક ટાઇટલથી ત્રણ ડગલાં દૂર

ઑસ્ટ્રેલિયન ઓપનમાં ૨૮ મિનિટનો ટાઇ-બ્રેક જીતીને ૧૪મી ક્વૉર્ટરમાં પહોંચી ગયો : બાર્ટી પણ લાસ્ટ-એઇટમાં

24 January, 2022 12:36 IST | New Delhi | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK