° °

આજનું ઇ-પેપર
Monday, 04 July, 2022


બૅડ્‍મિન્ટનના ચૅમ્પિયન ભારતીયો મેડલ ગળામાં જ રાખીને સૂઈ ગયા!

17 May, 2022 02:57 PM IST | New Delhi
Gujarati Mid-day Correspondent | feedbackgmd@mid-day.com

તેમણે બ્રૉન્ઝ મેડલની અપેક્ષા રાખી હતી, પણ સુવર્ણચંદ્રક સાથે ચૅમ્પિયન બની ગયા એ તેમને માટે બહુ મોટું આશ્ચર્ય છે

રવિવારે થોમસ કપના ચૅમ્પિયન ભારતીય ખેલાડીઓએ પોતાનો ફોન સ્પીકર પર રાખીને વડા પ્રધાન નરેન્દ્ર મોદી સાથે ઘણી વાર સુધી વાતો કરી હતી. પીએમે બધાને ખૂબ-ખૂબ અભિનંદન આપ્યાં હતાં. Thomas Cup

રવિવારે થોમસ કપના ચૅમ્પિયન ભારતીય ખેલાડીઓએ પોતાનો ફોન સ્પીકર પર રાખીને વડા પ્રધાન નરેન્દ્ર મોદી સાથે ઘણી વાર સુધી વાતો કરી હતી. પીએમે બધાને ખૂબ-ખૂબ અભિનંદન આપ્યાં હતાં.

ભારતીય બૅડ્‍મિન્ટનના ટોચના પુરુષ ખેલાડીઓ બૅન્ગકૉકની થોમસ કપ ટુર્નામેન્ટમાં રમવા જવા ભારતથી રવાના થયા ત્યારે એમાંના કદાચ કોઈએ પણ નહીં ધાર્યું હોય કે તેઓ ઇન્ડોનેશિયા જેવી સૌથી મોટી ચૅમ્પિયન ટીમને આસાનીથી હરાવીને આ સ્પર્ધાના પહેલા ગોલ્ડ મેડલ સાથે પાછા આવશે. તેમણે બ્રૉન્ઝ મેડલની અપેક્ષા રાખી હતી, પણ સુવર્ણચંદ્રક સાથે ચૅમ્પિયન બની ગયા એ તેમને માટે બહુ મોટું આશ્ચર્ય છે. એટલે જ તેઓ રવિવારની રાતે ગળામાં પોતપોતાનું મેડલ પહેરીને જ સૂઈ ગયા હતા.

આઇ.એ.એન.એસ.ના અહેવાલ મુજબ ક્વૉર્ટર ફાઇનલ અને સેમી ફાઇનલ મુકાબલામાં મહત્ત્વની સિંગલ્સ મૅચ જીતનાર એચ. એસ. પ્રણોયે કહ્યું કે ‘અમે થોમસ કપ જીતી લઈશું એવું ધાર્યું જ નહોતું, કારણ કે આ સ્પર્ધામાં ધરખમ એટલે કે ભૂતપૂર્વ ચૅમ્પિયન ટીમ ભાગ લઈ રહી હતી. અમને મેડલની આશા હતી, પણ ગોલ્ડ મેડલ જીતીશું એ તો અમારા સપનાથી પણ વિશેષ કહેવાય. ઇન્ડોનેશિયા સામેની ફાઇનલ ૩-૦થી જીતી લઈને બધા ખેલાડીઓ ગાંડા થઈ ગયા છે. અમે બધા એટલા ખુશ છીએ કે એને શબ્દોમાં વ્યક્ત કરી શકાય નહીં. રવિવારે ચૅમ્પિયન બન્યા પછી અમે સેલિબ્રેટરી ડિનર લીધું, મિત્રો અને પરિવારજનો સાથે ફોન પર વાતો કરી અને બધાએ આ જીત ખૂબ એન્જૉય કરી.’

રવિવારે ભારતીય ટીમ ૨-૦થી આગળ હતી ત્યાર પછી કિદામ્બી શ્રીકાંતે જોનતન ક્રિસ્ટીને હરાવ્યો કે તરત જ ભારતીય ખેલાડીઓ બૅડ્‍મિન્ટન કોર્ટ પર દોડી આવ્યા હતા અને શ્રીકાંત સાથે મળીને જીત સેલિબ્રેટ કરી હતી.

આજથી થાઇલૅન્ડ ઓપન : સિંધુ, સાઈનાની ફરી કસોટી

થોમસ કપના સ્થળ બૅન્ગકૉકમાં આજે થાઇલૅન્ડ ઓપન શરૂ થઈ રહી હોવાથી ભારતના ચૅમ્પિયન ખેલાડીઓ હવે એમાં રમવામાં વ્યસ્ત થઈ જશે. ચૅમ્પિયન ભારતીય ટીમની ડબલ્સના પ્લેયર્સ (ઈજાગ્રસ્ત) ચિરાગ શેટ્ટી અને તેનો પાર્ટનર સત્વિકસાઈરાજ રૅન્કિરેડ્ડી આ સ્પર્ધામાં નહીં રમે, પરંતુ કિદામ્બી શ્રીકાંત, એચ. એસ. પ્રણોય, બી. સાઈ પ્રણીત તેમ જ અન્ય ખેલાડીઓ અને મહિલાઓમાં પી. વી. સિંધુ તથા સાઇના નેહવાલ તેમ જ અન્ય પ્લેયર્સ રમવાનાં છે.

17 May, 2022 02:57 PM IST | New Delhi | Gujarati Mid-day Correspondent

અન્ય લેખો

અન્ય સ્પોર્ટ્સ

ઇંગ્લૅન્ડ સામે ટોક્યોમાં મળેલા પરાજયનો બદલો લેવા રમશે ભારતીય મહિલા હૉકી ટીમ

નેધરલૅન્ડ્સમાં રમાઈ રહેલા હૉકી વર્લ્ડ કપમાં ભારતનો આજે પ્રથમ મુકાબલો

03 July, 2022 06:31 IST | Mumbai | Gujarati Mid-day Correspondent
અન્ય સ્પોર્ટ્સ

૯૦ મીટરનો ટાર્ગેટ ચૂક્યો, પણ મારા બેસ્ટ થ્રોએ બધી નિરાશા દૂર કરી : નીરજ ચોપડા

સ્વીડનની સ્પર્ધામાં ૮૯.૯૪ મીટરના નવા નૅશનલ રેકૉર્ડ સાથે જીત્યો સિલ્વર

02 July, 2022 05:55 IST | Mumbai | Gujarati Mid-day Correspondent
અન્ય સ્પોર્ટ્સ

આજથી મહિલા હૉકી વર્લ્ડ કપ

સવિતા પુનિયાના સુકાનમાં ભારતનો સૌથી પહેલો મુકાબલો રવિવારે ઇંગ્લૅન્ડ સામે

01 July, 2022 01:23 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK