° °

આજનું ઇ-પેપર
Friday, 01 July, 2022


જૅબ્યર ફાઇનલ જીતતાં પહેલાં ઈજાગ્રસ્ત હરીફની મદદે આવી

21 June, 2022 12:15 PM IST | New Delhi
Gujarati Mid-day Correspondent | feedbackgmd@mid-day.com

જૅબ્યરે વિજેતા જાહેર થતાં પહેલાં હરીફ ખેલાડી અને ગયા વર્ષે ટોક્યો ઑલિમ્પિક્સમાં ગોલ્ડ મેડલ જીતનાર બેન્સિકને જે મદદ કરી એ દૃષ્ટાંતરૂપ ઘટના હતી

રવિવારે બર્લિનમાં ફાઇનલ દરમ્યાન ઈજા પામેલી બેન્સિક (ડાબે) પાસે તરત પહોંચી ગયેલી તેની હરીફ પ્લેયર ઑન્સ જૅબ્યર (તસવીર : એ.એફ.પી.)

રવિવારે બર્લિનમાં ફાઇનલ દરમ્યાન ઈજા પામેલી બેન્સિક (ડાબે) પાસે તરત પહોંચી ગયેલી તેની હરીફ પ્લેયર ઑન્સ જૅબ્યર (તસવીર : એ.એફ.પી.)

રવિવારે જર્મનીમાં બર્લિન ઓપનની ફાઇનલ શરૂ થઈ ત્યારે વર્લ્ડ નંબર-થ્રી ટ્યુનિશિયાની ઑન્સ જૅબ્યર અને ૧૭મા નંબરની સ્વિટ્ઝરલૅન્ડની બેલિન્ડા બેન્સિક વચ્ચે જોરદાર રસાકસી જોવા મળશે એવી તમામ પ્રેક્ષકોને ખાતરી હતી, પરંતુ માંડ બીજો સેટ શરૂ થયો ત્યાં બેન્સિક ઈજા પામી હતી અને છેવટે તે ફાઇનલમાંથી નીકળી જતાં જૅબ્યરને આસાનીથી ટ્રોફી પર કબજો કરવા મળી ગયો હતો.

જોકે જૅબ્યરે વિજેતા જાહેર થતાં પહેલાં હરીફ ખેલાડી અને ગયા વર્ષે ટોક્યો ઑલિમ્પિક્સમાં ગોલ્ડ મેડલ જીતનાર બેન્સિકને જે મદદ કરી એ દૃષ્ટાંતરૂપ ઘટના હતી. ફાઇનલ અટકાવાઈ ત્યારે બેન્સિક ૩-૬, ૧-૨થી પાછળ હતી. તે પહેલા સેટમાં ડાબા પગની ઘૂંટીની ઈજાને લીધે નીચે પટકાઈ ત્યારે જૅબ્યર તેની પાસે દોડી ગઈ હતી અને તેને ફરી રમવાની હિંમત અપાવી હતી. જૅબ્યરે તેને માટે આઇસ-કૂલરની જલદીથી વ્યવસ્થા પણ કરી આપી હતી જેથી તેની ઘૂંટીને જરૂરી આરામ વહેલો મળે. બેન્સિક પાછી રમી હતી, પરંતુ બીજા સેટમાં જૅબ્યર ૨-૧થી આગળ હતી ત્યારે બેન્સિક એ ઈજા ફરી અસહ્ય બનતાં તેણે આ ફાઇનલ ન રમવાનું નક્કી કર્યું હતું. જૅબ્યરે મૅચ પછી પત્રકારોને કહ્યું કે ‘મેં તેને દિલાસો આપતાં કહ્યું કે તું આ ઈજાને ભૂલી જા અને આજે ફાઇનલ જેવી મોટી મૅચ રમી રહી છે એ પણ યાદ ન કર.’

બેન્સિકે જૅબ્યરને કહ્યું કે ‘આ ટાઇટલ તું જ ડિઝર્વ કરતી હતી. તું અત્યારે કેટલી બધી ખુશ હોઈશ એ હું સમજી શકું છું અને એટલે જ હું મારી ઈજાને કારણે તારા રંગમાં ભંગ નથી પાડવા માગતી.’

21 June, 2022 12:15 PM IST | New Delhi | Gujarati Mid-day Correspondent

અન્ય લેખો

અન્ય સ્પોર્ટ્સ

૧૧૫વાળી હરીફ સામે પરાસ્ત સેરેના છેલ્લી વિમ્બલ્ડન રમી?

અપસેટવાળા દિવસમાં સેકન્ડ-સીડેડ કૉન્ટાવેઇટ અને થર્ડ-સીડેડ કૅસ્પર રુડ પરાજય, પરંતુ જૉકોવિચ જીત્યો

30 June, 2022 02:42 IST | Mumbai | Gujarati Mid-day Correspondent
અન્ય સ્પોર્ટ્સ

News In Short: ઑલિમ્પિક મેડલિસ્ટ હૉકી પ્લેયર વરિન્દર સિંહનું નિધન

ભારત ૧૯૭૫માં હૉકીનો વર્લ્ડ કપ અને એ પહેલાં ૧૯૭૩માં વિશ્વકપનો સિલ્વર મેડલ જીત્યું હતું

29 June, 2022 11:47 IST | Mumbai | Gujarati Mid-day Correspondent
અન્ય સ્પોર્ટ્સ

રેડુકાનુની એક વર્ષમાં ૨૨૮ રૅન્કની છલાંગ

૨૦૨૧માં આ ​બ્રિટિશર ૩૩૮ની રૅન્ક સાથે વિમ્બલ્ડનમાં પ્રવેશેલી : આ વખતે ૧૦મો ક્રમ છે

29 June, 2022 10:47 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK