° °

આજનું ઇ-પેપર
Monday, 29 November, 2021


જૉકોવિચને ફુલ્લી વૅક્સિનેશન વિના ઑસ્ટ્રેલિયામાં નહીં આવવા મળે

21 October, 2021 04:50 PM IST | New Delhi | Gujarati Mid-day Correspondent

ઇમિગ્રેશન મિનિસ્ટરની ચેતવણી

નોવાક જૉકોવિચ

નોવાક જૉકોવિચ

૨૦૨૨માં ટેનિસની પ્રથમ ગ્રૅન્ડ સ્લૅમ સ્પર્ધા જાન્યુઆરીમાં મેલબર્નમાં રમાશે અને એમાં એવા જ ખેલાડીઓને રમવા મળશે જેમણે કોવિડ-વિરોધી વૅક્સિનના બન્ને ડોઝ લીધા હશે. ફુલ્લી વૅક્સિનેશન વિનાના કોઈ પણ વિદેશી ખેલાડીને ઑસ્ટ્રેલિયા આવવાના વિઝા નહીં મળે એવો નિયમ ઑસ્ટ્રેલિયાના ટેનિસ ફેડરેશને મંગળવારે જાહેર કર્યો એને પગલે સર્બિયાના વર્લ્ડ નંબર વન ખેલાડી નોવાક જૉકોવિચે મીડિયામાં આપેલાં નિવેદનોથી વિવાદ વધી ગયો છે.

‘નિયમ જૉકોવિચને પણ લાગુ પડે’

વૅક્સિન લેવી કે નહીં એ દરેક વ્યક્તિનો અંગત નિર્ણય કહેવાય અને પોતે રસી લીધી છે કે નહીં એ જાહેર પણ નહીં કરે એવું જૉકોવિચે કહ્યું એના પ્રત્યાઘાતમાં ઑસ્ટ્રેલિયાના ઇમિગ્રેશન મિનિસ્ટર ઍલેક્સ હૉકે ગઈ કાલે કહ્યું હતું કે ‘જૉકોવિચે વૅક્સિનના બન્ને ડોઝ લીધા હશે તો જ તેને ઑસ્ટ્રેલિયામાં આવવા મળશે. આ કડક નિયમ માત્ર ટેનિસ ખેલાડીઓ માટે નથી. દુનિયાભરના દેશોમાં આ નિયમ છે. મારો કહેવાનો અર્થ એ છે કે ઑસ્ટ્રેલિયામાં આવનાર દરેક વિઝિટર માટે ડબલ વૅક્સિનેશનનો નિયમ લાગુ કરાયો છે. એટલે મારે જૉકોવિચને અલગથી કહેવાની જરૂર નથી કે તેણે બન્ને વૅક્સિન લઈને જ આવવું પડશે.’

ઑસ્ટ્રેલિયાના આરોગ્ય પ્રધાન ગ્રેગ હન્ટે ત્યાં સુધી કહ્યું હતું કે ‘કોઈ વ્યક્તિ વર્લ્ડ નંબર વન ખેલાડી હોય કે કોઈ દેશનો સામાન્ય નાગરિક હોય, અમે કાયદો ઑસ્ટ્રેલિયાના નાગરિકોની સુરક્ષા માટે બનાવ્યો છે.’

21 October, 2021 04:50 PM IST | New Delhi | Gujarati Mid-day Correspondent

અન્ય લેખો

અન્ય સ્પોર્ટ્સ

બાર્સેલોના સ્પૅનિશ લીગમાં પહેલી વાર હરીફના મેદાન પર જીત્યું

લા લીગા તરીકે ઓળખાતી સ્પૅનિશ લીગમાં બાર્સેલોનાની ટીમ આ સીઝનમાં પહેલી વાર હરીફ ટીમના મેદાન પર જીતવામાં સફળ થઈ છે.

29 November, 2021 04:22 IST | mumbai | Gujarati Mid-day Correspondent
અન્ય સ્પોર્ટ્સ

News In Shorts: મનિકા બત્રા ભારત માટે ઇતિહાસ ન સર્જી શકી

રમગમત ક્ષેત્રના તમામ સમાચાર વાંચો એક ક્લિકમાં

29 November, 2021 04:11 IST | mumbai | Gujarati Mid-day Correspondent
અન્ય સ્પોર્ટ્સ

ઇટલી અથવા ક્રિસ્ટિયાનો રોનાલ્ડો વિનાનો ફિફા વર્લ્ડ કપ જોવાની તૈયારી રાખજો

અન્ય જૂથોમાંથી પણ પ્લે-ઑફ પછીના નિર્ણાયક મુકાબલાની વિજેતા ટીમો વર્લ્ડ કપમાં પહોંચશે. કુલ ૩૨ ટીમો વિશ્વકપમાં ભાગ લેશે. અત્યાર સુધી ૧૩ દેશો વર્લ્ડ કપ માટે ક્વૉલિફાય થઈ ચૂક્યા છે.

28 November, 2021 03:20 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK