Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > સ્પોર્ટ્સ સમાચાર > અન્ય સ્પોર્ટ્સ > આર્ટિકલ્સ > ન્યુઝ શૉર્ટમાં : ટેબલ ટેનિસમાં રચ્યો મનિકાએ ઇતિહાસ

ન્યુઝ શૉર્ટમાં : ટેબલ ટેનિસમાં રચ્યો મનિકાએ ઇતિહાસ

20 November, 2022 01:46 PM IST | New Delhi
Gujarati Mid-day Correspondent | feedbackgmd@mid-day.com

ઑસ્ટ્રેલિયા જીત્યું વન-ડે સિરીઝ અને વધુ સમાચાર

મનિકા બત્રા

મનિકા બત્રા


ટેબલ ટેનિસમાં રચ્યો મનિકાએ ઇતિહાસ

ટેબલ ટેનિસ ખેલાડી મનિકા બત્રા ગઈ કાલે આઇટીટીએફ-એટીટીયુ એશિયન કપ ટુર્નામેન્ટમાં મેડલ જીતનારી પહેલી મહિલા ખેલાડી બની હતી. તેણે વિમેન્સ સિંગલ્સ વિશ્વની છઠ્ઠા ક્રમાંકની જપાનની હિના હયાતને બ્રૉન્ઝ મેડલની મૅચમાં હરાવી હતી. મનિકા પહેલાં ચેતન બાબુરે ૧૯૯૭માં સિલ્વર અને ૨૦૦૦માં બ્રૉન્ઝ મેડલ જીત્યો હતો. મનિકાએ ૨૦૨૧ ટેબલ ટેનિસ વર્લ્ડ કપમાં બૉન્ઝ મેડલ જીતનાર હિનાને ૪-૨થી હરાવી હતી. 



 


ઑસ્ટ્રેલિયા જીત્યું વન-ડે સિરીઝ

સ્ટીવ સ્મિથની શાનદાર બૅટિંગ-પ્રદર્શન બાદ મિચેલ સ્ટાર્ક અને એડમ ઝેમ્પાની ચાર-ચાર વિકેટને કારણે સિડની ક્રિકેટ મેદાનમાં ગઈ કાલે રમાયેલી બીજી ટી૨૦માં ઑસ્ટ્રેલિયાએ ઇંગ્લૅન્ડને ૭૨ રનથી હરાવીને ત્રણ મૅચની વન-ડે સિરીઝમાં અજેય લીડ મેળવી લીધી છે. ​​​સ્મિથે ૧૧૪ બૉલમાં ૯૪ રન કર્યા હતા તો માર્નસ લબુશેનના ૫૮ રન અને મિશેલ માર્શના ૫૦ રનની મદદથી ઑસ્ટ્રેલિયાએ ૫૦ ઓવ‍રમાં ૮ વિકેટે ૨૮૦ રન કર્યા હતા. જવાબમાં પ્લેયર ઑફ ધ મૅચ જાહેર થયેલા સ્ટાર્કે ઝીરો રનમાં બે વિકેટ ઝડપી હતી. ઑસ્ટ્રેલિયાએ ઇંગ્લૅન્ડને ૩૮.૫ ઓવરમાં ૨૦૮ રનમાં ઑલઆઉટ કર્યું હતું. 


 

ધનરાજ નથવાણી બન્યા જીસીએના નવા પ્રમુખ

ધનરાજ પરિમલ નથવાણી ગઈ કાલે ગુજરાત ક્રિકેટ અસોસિએશન (જીસીએ)ના પ્રમુખ તરીકે બિનહરીફ ચૂંટાયા છે. કેન્દ્રીય ગૃહપ્રધાન અમિત શાહ દ્વારા ખાલી કરવામાં આવેલું પદ તેમણે સંભાળ્યું છે. ધનરાજ અગાઉ વાઇસ પ્રેસિડન્ટ હતા. અનિલ પટેલ સેક્રેટરી, મયૂર પટેલ જૉઇન્ટ સેક્રેટરી અને ભરત ઝવેરીને ખજાનચી તરીકે નીમવામાં આવ્યા છે. 

Whatsapp-channel Whatsapp-channel

20 November, 2022 01:46 PM IST | New Delhi | Gujarati Mid-day Correspondent

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK